A tetwa nekatana kohonda ye onkulu eta si

0
1103

Loide Jason

ONGWEDIVA-Omukiintu gwomimvo 24 okwa si sho anuwa a hahalwa nekatana komulumentu ali gwe nale. Omufekelwa otaku hokololwa a dhipaga omukiintu nguka sho e mu henge po. Oshiningwanima shika osha longelwa poMururani moshitopolwa shaKavango Uuninginino mehulilo shiwike lya piti.

Okwa hokololwa kutya mbaka yaali okwali yeli mekwatathano lyopahole ethimbo ele kaa li shiwike. Nomekwatathano ndyoka omwa monika okanona kamwe komimvo nadho woo inaa dhi tseyika.

Opolisi ndjoka ya koleke onkundana ndjika yeso oya ti omufekelwa nguka okwa yi ashike megumbo lyanakusa e te mu tetagula nomakatana koonyala nokekothi shoka sha etitha sigo eso lye.

Okwa hokololwa kutya omulumentu gwomimvo 30 Sivute Olavi Markus ngoka a valelwa koKatji-Nakatji okwa tete nakusa nekatana kekothi, nakutetwa okwa hulithile mpoka.

Nakusa ngoka e shiwike nedhina Sindeendere Paula Kandambo okwa hokololwa anuwa a hulitha po, ohole ndjika omwedhi gwa zi ko sho a mono kutya otali ta pi mokukala kwawo pamwe.

Opolisi oya ti omakonaakono ogeli metifa opo ya tale kutya shoka sha etitha opo Kandambo a tetwe nekatana sigo omeso oshike.
Omutamanekwa nguka okwa holoka nale mompangu ya mangestrata moRundu Omandaaha oshiwike shika na okwa li a tindilwa oku ifutila mo ye ishewe kali nande a pulwa a tye sha.

Ihe anuwa uuthemba we okwali ewu fatululilwa komupanguli na okwa li a lombwelwa kutya ota vulu okukonga omukaleli po gwo paveta oshoka oshipotha she oshinene noonkondo.

Oshipotha she osha undulilwa komasiku omulongo 18 gomweedhi taguya opo a kale a mona omukalelipo gwopaveta.
Omakonaakono gopolisi moshinima shika otaga tsikile.

LEAVE A REPLY

Please enter your comment!
Please enter your name here