Uudhano wEkango wa enda nawa

0
38

SHIPI ELAGO

Iiputudhilo yokatanga kokoompadhi mOshana oya tsakanene pokapale ketanga taka adhika konima yoAMTA mOngwediva oku dhana motonamende ndjoka ya li ya unganekwa kongeshefa yEkango Bricks and Sand omasiku ga piti.

Eeacademy dhom-Ongwediva,Oshakati nosho wo Ondangwa odha li dha kutha ombinga muudhano mbuka.
Uudhano wotango wo under 15 owa li pokati ko A – Class Academy no Sos Shoopala moka A Class a li a sindana po mbuka 1-0.
Uudhano uutiyali owa li pokati ko Young African nEkango. Young African okwa li a pondola okusindana po uudhano mbuka 4-1, Khuse Academy okwa li a dhenge mo KK Palace Academy 5-0.

Mudhano wo U/17 Khuse Academy oya li yi ithigi othika na Young African 0-0, omanga A-Class Academy a li a dhenge mo Ekango 1-0 omanga A-Class ina ka dhana shithike pamwe na Khuse 0-0 muudhano uutiyali.
Young African okwa li a dhenge mo Ekango 1-0, Ekango ndyoka lya li lya fa ita li shi enditha nawa olya li lya dhengemo Khuse Academy 1-0.

A-Class Academy oya li ye shi dhenge komutse konima sho ya li ya dhenge mo Young African 2-0, nokuyayukamo niitsa yi vule ooyakwawo naashika oshali sheya pe esindano sho oyo ya li ya tothwa mo ongo enyakwa dhingi lyuudhano mbuka moka ya li ya faalele nokapandi ko N$ 450, Omanga Younga African a li eya pehala etiyali moka a li a pandulwa nokapandi ko N$ 350, Ekango olya li lyeya pehala etitatu moka ya li ya hekelekwa no N$ 250 muudhano wo U/17.

Uudhano wo U/15 ina wu mona natango omusindani oshoka Khuse na A-Class Academy oya tegelelwa ya ka kuthe omasipa pokati koombwa ehuliloshiwike ndika opo ku talike ngoka ta ka sindana po uudhano mbuka.

“Uudhano mbuka owuli oshitopolwa shoku muna iitalenti mokati kuunona , uunona ota wu ulike shili eyitulemo na otawu longo nuudhiginini oku adha omasindano momawudhano gawo,” Alex Itumba ta ti mwene gwo A-Class Academy.
Konyala uudhano awuhe ota wu hokitha aadhani ya dhana okatanga ta ka hokitha.

LEAVE A REPLY

Please enter your comment!
Please enter your name here