Dragon-Silicon apititha ongalo Mwenyo Mwiineyi

0
59

Pinehas Nakaziko

Windhoek-Omu imbi ngoka a yambukile moshitopolwa shaMusati, Heinrich Razarus, a tseyika nawa moongalo nedhina Dragon-Silicon, osho a pititha ongalo ye ompe yopambepo yedhina Mwenyo-Mwiineyi iiwike iishona ya piti.

Ongalo ndjika oyo yimwe yi na etumwalaka ndyoka lyanuninwa aalumentu, moka taya kunkililwa opo kaayakandulepo uudhigu nuUdhigu uukwawo, yo ya yande iinima iiwinayi. Kakele kwaashoka, ongalo otayi popi ishewe kutya omwenyo omwiinayi oluhepo.

Dragon-Silicon oye ngoka a tseyika nawa ishewe onga gumwe gwomaaimbi yongundu yo Dragon, ndjoka ya tamekele oku imba okuza mo2013, pamwe nookume ke yaali, Dragon-Tungsten naDragon-Silver. Aaimbi mbaka oya li ya pititha oalbuma yawo yotango yedhina Pizza mo2014, ndjoka ya li yi na oongalo 14, nomwali tamu adhika oongalo ndhoka oombwanawa ngaashi Nandjenda Kadhuuluma, Sonia naJesus, dhali dha taambiwako koyendji.

Omvula ya piti Dragon-Silcon okwali a tameke oku ninga omaimbilo ge yemwene, molwa oshitalenti she shoka ena.
Ngashingeyi okuli a tula ombunda moshihwa, moka eli ta ilongekidhile okupititha oalbuma ye yedhina Onkugo Yepongo. Oalbuma ndjika otayi ka pita kuyele omvula tayi ya, moka tamu ka kala muna omayimbilo taga tungu Onghugo hepongo, notamu ka kwatelwa ongalo ndjika Mwenyo Mwiinayi.

“Onda hala owala kutya ehangano lyomoshilongo olili tali pula komeho esiku nesiku, naahingingalo aaNamibia otaya tameke okulongela pamwe.”

LEAVE A REPLY

Please enter your comment!
Please enter your name here