Omufekelwa muukongo wompanda a si

0
362

Loide Jason

ONGWEDIVA-Opolisi moshitopolwa shaMusati otayi ikala omapopyo ngoka gali ga lopotwa kiikundaneki yimwe kutya omuyahi gwoompanda ngoka a li a ehamekwa kuyo okwali moshipangelo a kalelwa kopolisi.

Okomanda ndjoka yili omutse gwokukeelela okuyaha kaa kuli paveta iinamwenyo ya gamenwa Ismael Basson okwa ti omuntu ngoka okwa kala uule woshiwike mofuka na okwa monika ashike ongulohi Olyomakaya.

Omupevi Kommisiona gwopolisi okwa ti konima ashike yokathimbo okashona sho opolisi yemumono nguka okwa hulitha na okwa hulithila momake gopolisi.

Basson okwa ti kutya nguka ina enda mo nande moshipangelo na ka kwali a monika nale ngaashi iikundaneki yimwe ya lopota oshiwike sha ziko.

“Omuntu nguka opo ashike twe mu mono nena ndjika (molyomakaya) otwe mu adha ta fudha ashike omanga tatu ningi onkambadhalala yoku mufala koshipangelo, otwa mono ashike a hulitha,” osho komanda ndjoka yili mEtosha ngashingeyi ya hokolola ngaaka.
Basson okwa ti nguka okwali eli namukwawo mEtosha taya yaha oompanda kaashili paveta mukwawo gumwe okwa mangwa ihe ye kali elwetike na onkee shika sha kala ethimbo a holekwa miihwa kuya kwawo.

Luteni Muharukwa anuwa okwa li a ponokelwa kompanda ndjoka ya ehameka okugulu kwe noonkondo adhihe shoka sha etitha nokuli a kale ita vulu oku enda oshoka okugulu okwa mona oshiponga.

Mukwawo ngoka ali naye okwe mu thigi mokuti moka oshoka ngiika okwali a tila oku monika eli naye shoka sha tashi vulu oku mu mangitha kopolisi.

Ashike anuwa okwa ka mangwa ngaa konima eta kala mondholongo ye oye nee a tindi okupopya mukwawo kutya oye lye ihe okwa popya kutya okuli mEtosha a monithwa oshiponga kompanda.

Ngashingeyi okomanda ndjika otayi pula moshigwana opo shi ye kokila yopolisi kOpuwo ya ka dhimbulule omudhimba ngoka pamwe oye gu shi.

LEAVE A REPLY

Please enter your comment!
Please enter your name here