Opolohalama yiikulya muuyuni inayi hala aantu ye na ondjala

0
36

Omutoolinkundana

Esiku kehe muuyuni aalumentu naakiintu oyendji otaya kondjo okupalutha oyana niikulya tayi tungu. Opolohalama yOondya mUuyuni nenge WPF oya ti muuyuni moka hamu longwa iikulya ya gwana okupalutha kehe omuntu, konyala aantu oomilliona 815 nenge omutu gumwe maantu omugoyi ohaya ka lala nondjala. Oshikwawo ooshika kutya omuntu gumwe maantu yatatu oku na uuvu wondjala yoludhi lwontumba nenge lwongandi.

WPF momushangwa okwa ti okuvudhamo ondjala nuusindjala muuyuni osho eshongo enene pethimbo lyetu. Molwashoka iilanduli yondjala ohayi fala nenge ohayi hulile moohepo nomuunkundi, na ohayi enditha kashona eyokomeho miitopolwa yilwe ngaashi elongo osho wo iilonga.

Momumvo 2015 iigwana yuuyuni oya kundathana nokuzimina oku iyutha komalalakano 17 geyokomeho tali humu nawa, okuhwepopeka oonkalamwenyo dhaakuuyuni okuya pomumvo 2030. Elalakano etiyali lyomwaangaka 17 olyo uuyuni waa na nando ondjala,sho iilongo ya uvaneke okuhulitha po ondjala, okukaleka po onkalo yi na iikulya ya gwana okuhwepopeka epaluko nokuhumitha komeho uunamapya tawu kala po ethimbo alihe, elalakano ndika olya ningwa oshilongadhalwa shaWFP oshinene.

Esiku kehe okuza mpoka, WFP naalongi pamwe naye otaya ka longa neitulemo okuthika ponkatu ndjoka muuyuni tamu kala onkalo yaana ondjala. “Nomakwatho getu giikulya gopantu tse, ohatu gandja oondya tadhi palutha dho otadhi tungu, hatu dhi pe mboka ye li mompumbwe onene’ omushangwa gwa WFP gwa ti.

Oshikwawo omalandulathano getu ga gwedhwa po oga odheka iinima mbyoka tayi eta ondjala, taga tungu iigwana yi na omukumo oku ithikamena yoyene opo kaatu kale kehe omumvo otatu gandja ekwatho kongundu yaantu ashike oyo tuu mboka moonkambadhala okuya hila mo mondjala. Uuyuni owa huma komeho moshinima shoku shonopeka ondjala. Shika otashi ulikwa komiyalu sho dha ti, omwaalu gwaasindjala ogwa shuna pevi naantu oomilliona 216 pethimbo ndika okuyeleka nomwaalu gwaantu mboka ya li ye niwe kondjala pokati komumvo 1990 to 1992 unene tuu ngele osha talelwa meindjipalo lyoshigwana muuyuni konyala naantu ye li pobilliona 1, 9.
Nando ongeyi ondjila onde natango okutidha po ondjala ayihe muuyuni, na ka pe na ehangano tali vulu okusindana moshinima shika olyo alike tuu ti. Ngele otwa hala okumona uuyuni wa manguluka kondjala okuya pomumvo 2030, omapangelo getu, aakwashigwana yetu omahangano gopaumwene oye na okulongela kumwe nokupungula osho wo oku eta po oondunge nomadhiladhilo omape okutunga po noku adha omathaneko ngoka ta ga kalele.

LEAVE A REPLY

Please enter your comment!
Please enter your name here