A projeka yokulonga oongaku ya totwa mOnhokolo

0
323
Erastus Gideon na Johaness Kalumbu taya ulike omikoya ndhoka dha nengekwa opo dhi vulwe okulongwa oongaku monakuyiwa.

Loide Jason

ONHOKOLO-“Iilonga ayihe ngashingeyi otandi yilongo ashike koonyala shoka shi li sha dhigupalela ndje.’ Ndika ekemo lya Johannes Kalumbu omunduluki gwoongaku dhiipa pofabulika ompe yoongaku yaNiikaku mOnhokolo moshitopolwa Omusati.

Kalumbu ngoka omulongwa gwoCOSDEC mOndangwa okwa ti eilongo lye lyokuninga oongaku ina hala okuli tula pevi oshoka okuli hole na ishewe okwa hala okukaleka edhina lyaangoka emu futile osikola ndjoka pombanda.

Eshongo ndyoka Kalumbu e na oondyoka lyomashina opo a vule okuhika nokukweya nawa iipa mbyoka taka longitha okuhambula oongaku poNiikaku.

Pethimbo ndika Kalumbu okwa eta po edhiladhilo lyokuhondja nokupangela oongaku dhaanasikola yopomanongelo gomomudhingoloko gwe omanga iipyakidhila noku tunga po omupepo gwe gwokunduluka oongaku oompe.

Kalumbu okwa tokola wo okukala ta longitha iipa mbyoka yiinamwenyo yomegumbo.Te yi tutike nokuyi hika opo yip ye nawa nokuninga iipu opo ihe oteyi longitha okuhambula oongaku.

“Ngashingeyi otashi kwata ethimbo ele opo oshipa shoka shikale sha pya tashi vulu okulongithwa onkee nduno pethimbo ndika oshipa natango shili kokule oshoka opo ashike nda to to ongeshefa ndjika mu August,” osho a fatulula ngaaka.

Onkee ando okwali tandi vulu oku mona nande ekwatho lyomashina andola otandi longo nuupu,” osho ati ngaaka. A tsikile ko a ti oshidhigu okulonga oshipa koonyala unene tuu okushikweya etashi pi opo shininge oshipu okuhondja oongaku.
Gumwe gwomomukunda ngoka ta ti oye omugandji mayele gwa Kalumbu, Erastus Gideon okwi inekela kutya ngele oprojeka ndjika oya mono eyambidhidho otayi ka yambula po omukunda nosho wo okugu humitha komeho.

Kalumbu okwa ti okwa tokola opo a gongele oombanza dhiikombo noongombe ye e dhi nengeke a wape okudhilongitha okuhondja oongaku.
Omanga inaa ilonga okuhondja nokunduluka oongaku okwa kala ethimbo ele ta tidhwa tidhwa momapandaanda kopolisi omanga a li ta hondjo oongaku ndhoka dha za mo mondoolopa ya Shakati.

Ihe onamutimahenda ngoka a li a adhika a eta ongaku ye yi hondjwe okwa li a e mu tula pegumbo lye opo a kale ta longele oongaku dhe ye a mone othewa.

Linda Niikaku aniwa okwa tsikile ko eta futile Kalumbu osikola omanga ali ashike okastoma ye.
Ngashingeyi Kalumbu ina hala nande okuhepeka uunongo mboka a li a pewa okupitila momuNamibia omukwawo inee mu pamba nando okezimo onkene okwa to to oprojeka ndjika nokweyi lukile Niikako[u].

Sho Kundana a talele po oprojerka ndjoka okwa adha Kalumbu a tula iipa momeya gaayooloka ngaashi yimwe momeya gomutoko, yimwe momeya giipeta yomiti omanga iikwawo inayi ningwa sha.

Okwa ti iipa mbika ohayi kwata konyala omvula ayihe okunengena ye a vule okuyi longitha ngaashi tashi vulika.
Okwa ti uuna ongeshefa ndjika ya yi komeho nena otashi ka kala etumba enene kwaangoka emu futila osikola.

LEAVE A REPLY

Please enter your comment!
Please enter your name here