Uudhano woBuild-it mOutapi wa enda nawa

0
64

Shipi Elago

OUTAPI-Ondombe yOhumba Combined School oyo enyakwa lyotango lyuudhano woBuild it yoosikola dho moshitopolwa shaMusati mboka wa li wa dhanwa olyomakaya ga zi ko pokaple kaDavid Sheehama mOutapi.

Ondombe yOhumba oya li ya ulukile oosipana oonkwawo komutse gwondjamba sho oyo ya li ya wayukamo niitsa oyindji ya thiga po oosipana oonkwawo.

Sakeus Iihuhwa Combined School okwa li eya pehala etitatu a wayuka moosikola 11 ndhoka dha li dha kutha ombinga methigathano ndika.
Ondombe yOhumba oya li ya toolapo ekopi ,oondjato dhagwana aadhani iikutu yetanga nosho wo kehe omudhani okwa li a pewa ekopi netanga.

Sakeus Iihuhwa okwa li wo a pewa oondjato uundini womeya nosho wo etanga.
Emily Kandjaba omukwatakanithi gwuudhano mbuka okwa li a holola kutya nando oya li ya hiya oosikola dhi li 16 oya li ya mono owala oosikola 11 na ntano ka dha li dha vulu okuholoka puudhano mbuka omolwa omatompelo kaa ge shiwike.

Ashike okwa li a holola okuuva kwe konayi sho oosikola adhihe dha li dha kuthombinga kaa dha li dha etelela oosipana dhaakadhona ta ti oshikando tashiya kehe osikola oya tegelelwa yi ka etelele oosipana mbali yimwe oyaamati na yimwe oyaakadhona.
“Elalakano lyetu otwa hala oku dheula uunona manga wuli pethimbo lyomimvo omishona lela opo ya vule ya ka dhanene osipana yopashigwana noosipana oonene moshilongo onkene ngele uukadhona ita wu pewa ompito manga uushona nena onakuyiwa yawo yomaudhano ka yi shi ombwaanawa,” Emily a londodha.

Okwa ti omvula ta yiya oya hala ya ka indjipaleke omwaalu gwoosikola onkene ota indile oosikola opo dhi kale dha pulakena etseyitho ngele lya ningwa.

Oosikola ndhoka tadhi tsikile noku landa iipumbiwa yadho mositola ya Build It nena natango odhina ompito yoku kala methigathano ndika nomomumvo ta guya.

Okwa ti Build it okwa tula konyala oshimaliwa shithike po N$ 70 000 muudhano wo 2017.
Na ota tsikile okushininga nomomuvo twathinda, aahikihiya nayo wo oya li ya mbendekwa iikutu yi na omushangelo gwa Build It opamwe naadheuli mboka ya li ya thindikila oosipana.

LEAVE A REPLY

Please enter your comment!
Please enter your name here