Yi ilongelidha oku ulika iizalomwa yawo

0
49

Pinehas Nakaziko

Windhoek-Yamwe yomaahondji dhingi yomizalo moshilongo mboka ya hogololwa opo yaka ulike iizalomwa nuunongo wawo kolweetho olutiyali lwoshiwike shoku ulika oonguwo moVenduka (Windhoek Fashion Week) oya ti oyi ilongekidha nawa.

Oonaku ulika iizalomwa noonguwo mbaka oya ti ayihe oyili pomahala na oya tegelela ashike esiku li thike opo yo ya ka ulike oonguwo dhawo poNampower Convention Centre, okuza oshiwike tu uka sigo Olyomakaya yoshiwike osho tuu shoka.

Omauliko ngaka okwa tengenekwa taga ka kala ga enda nawa, naalongekidhi oya ti ayihe oya longekidhwa ngaashi shali sha tseytihwa. “Omauliko ngaka otaga ka kala omanene, ge vulithe ngoka gali ga ningwa olweetho lwotango omvula yaziko koGrove Mall, moka mwali muna iinima inaayi longekidhwa nawa,” Kalistu Mukoroli, gumwe gwomaalongekidhi ta ti ngaaka.

Gumwe gwomaahondji mboka taya ka ulika iizalomwa yawo, Melisa Poulton okwa holola kutya ye okwa mana nale nomizalo ndhoka taka ulika, nokwa tega ashike esiku lithike.

“Ondi uvite uuntsa nuunambano oshoka ehangano lyomizalo moshilongo otali pula komeho, naashika otashi ka gandja ompito ombwaanawa kaahondji mboka ya kala mo nale, naamboka aashona,” Melisa ta ti ngaaka.
Okwa gwedha po ta ti okwi inekela kutya omauliko ngaka otaga ka eta oompito dha manguluka kaahondji yomoshilongo, unene tuu ndhoka dhuunangeshefa.

Christ Shameulu ngoka a tseyika nedhina Lao nokwa za moSwakopmund moka omo ena oshihondjelo she sho Lao Fashion Boutique, okwa ti otaka ulika iizalomwa ye yoLao Designs, mbyoka tayi ka kala yi na omalwaala ga yoolokathana.
Oshiindingili shika otashi ka mona aayendi dhingi ya adha po 45 mboka oyo taya ka ulika oonguwo dhaahondji ayehe, uule womasiku gane.

Oshituthi shika osha tegelelwa shika patululwe kuLeah Misika, noonguwo dhe oombwaanawa. Mesiku etitau lyoku ulika oonguwo ndhika otamu ka adhika ishewe aailongi yokuhondja okuza koshiputudhilo shuunkulungu shoCollege of the Arts (COTA).
Aaahondji yopondje yoshilongo Sdu Shezi, Sai Style, ELGVNCIE, L’Aesthetic oyo yamwe ya ithanwa opo ya ka kale ya ulika iizalomwa yawo pamwe naahondji yomoshilongo.

Omuhondji ngoka gwomoshilongo a tseyika nawa Ingo Shanyenge oye taka pata edhingoloko ndika. Nuumvo aalongekidhi oya hiya ishewe omuhondji ngoka omushona gwedhina Deon Angelo nokuli kehangano lyokuhondja moSouth Africa lyoThe Intern, lili kohi yewiliko lyaDavid Tlale, otaka kala a galukila kegumbo, opo aka ulike iizalomwa ye iipe, naambyoka a ninga manga eli kehangano lyo The Intern.

LEAVE A REPLY

Please enter your comment!
Please enter your name here