OFirst Division natango inayi mona omukwashilipaleki

0
20

Shipi Elago

Omunambelewa melelo lyoliha yoFirst Division ngoka a kundathana naKundana okwa holola kutya olukongo lwaakwashilipaleki yoliha ndjika natango otalu tsikile na opuna einekelo kutya oliha ndjika otayi ka tameka kuyele omvula tu uka.

Omunambelewa ngoka inaa hala edhina lye li pite moshifo okwa holola kutya monakuziwa oliha yoFirts Division oya li ya yama kwaandjoka yoPremier League hoka oko kwa kala haku ya zile oshimaliwa oshoka ekwashilipaleko uvathano lyomukwashilipaleki olya li ya kwatelamo wo oliha ndjika hayi dhanwa koosipana 12 moshilongo.

Osipana yoKK Palace ndjoka hayi dhana moliha ndjika oya li ya tameke nomadhewo gawo gotango konima sho oliha ya li ya yi mefudho konyala uule womvula noomweedhi dhontumba.

Omudheuli gwosipana ndjika Father Elemu okwa holola nkene sha dhigupala okutameka omadhewo omwedhi gumwe ashike omanga ethimbo lyomatango omanene inaa li thika.

Okwa ti oye na okulonga nuudhiginini oshoka ethimbo olya ngambekwa opo tu ete aadhani pomuthika mpoka taya vulu okudhana oshiwike kehe.

Oliha ndjika oyo osheelo shoku pitila okuya koPremier League na oosipana ngaashi Chief Santos, Life fighters, noYoung Chiefs oko dha zilila okuya koPremier League.

LEAVE A REPLY

Please enter your comment!
Please enter your name here