Okudhimbulukwa Fela Kuti

0
26

Omutoolinkundana

Windhoek-Africa okwa longo ashihe ta vulu okudhimbulukwa Fela Kuti oshiwike sha yi, pamwe na Namibia ngoka a longekidha omusiki Olyomakaya yomilongo 28 Kotoba. Mo Nigeria, momukunda moka mwakokela Kuti otamu ka tungwa ongulu yiikulunima. Kuti moshilongo shoka okuli pomuthika gwa Jackson Kaujeua moNamibia, ngoka omaimbilo ge ga li taga popi kombinga yolukongo lwemanguluko lyoshilongo shika nehulithopo lyokatongo muuMbugantu wAfrika.

Nonando ke shiwike koyendji yaagundjuka nena , Kuti okwa li e na ondjodhi yuukumwe muAfrika naamboka ye li mehalakano miitopolwa ya yooloka muuyuni. Okwa li iitula memanguluko lyAfrika neithikameno lye mwene. Onkalamwenyo ye oyi na uukwatya wuupenda, uuntu, okwaaha tila sha, uuyuki nuushili nokwa nwethamo aahikingalo oyendji muuyuni auhe.

Naandika olyo etompelo metitano lyayi Franco Namibia Cultural Centre, nomahangano gaali omahumithikomeho gomusiki ga longekidha oshiithanene okudhimbulukwa omusika ye. Mboka ya yile kokonserta oya futu oodola 100 okuyamo.Pethimbo lyayo omusika onkulu yaNamibia oya imbwa naandjika oya tulwa mumwe nomusiki yaza kiitopolwa yilwe muuyuni ngaashi ko Latin America, Cuban, Brazil, Mali, South Africa, Japan, Ghana, Nigeria, Trinidad, America, Cape Verde oya longo wo pamwe naandjoka yoludhi lwoCongolese Rumba noSoukous, Zimbabwe’s Mbira nojuju yokoCentral Africa.

Oshitopolwa sha Ogun hoka oko kwa za Kuti osha thaneka okulundulululila egumbo lyaandjawo momuseum. ‘Otatu ti uuthiga mboka tu na wa simana owo oohedhi dhetu nopoloyeka ndjika otayi ke wu kalekapo sigo aluhe” Oominista yoshitopolwa sha Ogun Alhaji Lai Mohammed ya ti

LEAVE A REPLY

Please enter your comment!
Please enter your name here