OvaNamibia inava hala odino yaOmarion

0
173

Omutoolinghundana

Windhoek-Ounyuni owali tau popi eshi oshivike eshi omushikingalo omuAmerika Omario a imbila ko oipundi i ehe na ovanhu. Oifokundaneki imwe moUSA oya nyola oipalanyolo tai ingida tai ti: ‘Omarion a ndaanisila ko okapale kehena ovanhu, ovaholi veengalo daye ove mu liteeka’, konima eshi she uya pouyelele kutya okapale kaIndependence Stadium moWinhoek momafiku 20 Kotoba kaka li ovanhu.

Ovanhu vamwe ova ya kointernet opo va pandule ovaNamibia eshi veli tumba nova ulikila ovashikingalo ovaAmerica ovo ve na odino ihava fimaneke ovaAfrica.

“Omake koikundaneki yaNamibia noshiwana eshi va longa Omarion oshilongwa novAmerica aveshe ovo tava ka hala oku talela po Namibia kutya ina mu kala mutu nene odino,” osho umwe a nyola.

Omarion okwa kwe li hanga ta imbile ko oipundi konima eshi ovaholi veengalo daye veliteeke okuya koshow yaye. Ovaholi veengalo daOmarion ova tula ouvideo kointernet tave ulike nghee omushikingalo ou a imbila ko okapale ke na ovanhu vanini moWindhoek.
“Omarion oko eli oko eli mona ko afa e na oshilonga ashike ovaNamibia ove mu tula ponhele yaye. Ina ya koshoongalele shoikundaneki,” osho oshikundaneki shimwe moAmerican sha nyola.

“Omarion okwali a teelelwa a ye koshiongi shoikundaneki ashike meningela waye vati okwa ti okwa lololwa kolweendo eshi a dja modila. Onghee ovaholi veengalo daye naavo vali va lando outekete inava ya ko kokapale,” natango oshikundaneki shimwe tashi wedele po.
Otaku hokololwa Omarion ali a pulwa opo a ye koshuufanene shoikundaneki ongula yefiku olo ngaashi naana oshi sha li sheli kudwa. Ashike okwa ka ninguluka shaashi meningela waye vati okwa ti okwa loloka. Osho osha ulika odino nokuhena efimaneko.

Ashike nande ongaha Omarion okwa ninga ngaashi ta dulu opo a yandje omaimbilo nondaanisa kuhe na vali, a ningila ko ovanhu vanini ovo ve uya kokapale efiko olo. Ta tula nokuli omafano aye mwene kointernet neshangelo tali ti, ‘shamha ashike wa tyapula.’
Vamwe vomovashikingalo ovo va imba pamwe naOmarion efiku olo ongaashi omuimbi weengalo dopamhepo Maranatha ena endaka iwa kuhe na vali. Tate Buti okwali kolusheno ngaashi shito na kakeshe umwe okwa ndaanisa okangalo kaye oko kape. TKBs wokoRundu Baster naFreeda navo ova imba efiku olo.

Okuulika kutya Omarion okuna ngaho eshivo leengalo daNamibia DJ waye efiku olo okwa shika eengalo dingo dovashiki vaNamibia ngaashi daGazza.

LEAVE A REPLY

Please enter your comment!
Please enter your name here