Tigers a wayimine oPremier League, Young Chiefs omunkundi natango

0
25

Shipi Elago

Tigers FC okwa tamake olweendo lwo ku gamenena po epapa lye ndyoka a li a sindana omanga omumvo gwokatanga inaa gu ya mefudho nokutula mo ombiliki uule womvula.

Tigers okwa li a tulamo ekanka sho olweetho lwotango lwoliha ndjika lwa li lwa dhanwa, nomatompelo kutya ka li a pewa nawa ethimbo oku longekidha osipana, ta popi kutya aadhani oyendji oya li ye li pondje yoshilandopangelo onkene osha li oshi dhigu oku ya eta pamwe mbala yo ya tameke omadhewo noku dhana moliha.

Ashike Tigers ehuliloshiwike lya ziko, okwa li na ye a yi mosheendo sholiha moka a thikile ta dhenge Young African 1-0, ashike okwa li a pendukile koondhimbo dha Black Africa mOsoondaha moka ali a dhengwa 2-1 mOveduka.
Young Chiefs kohi ya Cascas Filemon Angula ota yi tsikile noku eta iizemo yankundipala nando oya li ya mono ompito yo ku dhanena omaudhano gawo gotango gane megumbo.

Young Chiefs okwa li a talelwapo koosipana dho komunkulofuta ashike okwa li a likola mo iitsa iyali, konima sho ya li ya dhana shithike pamwe na Eleven Arrows 1-1 omanga ina ya dhana ishewe shithike pamwe na Blue Waters 1-1.
Young Chiefs okwa pumbwa okukuthako oongaku oshoka ngashingeyi oku li nale pevi lyoshitaafula sholiha na ngele ina ninga po sha, onakuyiwa yomudhewuli gwe omukulu Alex Iitumba natango ka yi shiwike oshoka natango ka puna uuyelele kutya opo tuu e li po Young Chiefs.

Mboka twa li twa popi nayo yena olukeno noYoung Chiefs oya li ya kumagidha Young Chiefs ya tothamo aadhani yontumba mboka ye li ta ya vulu okukwathela osipana okutulamo ookoola,aadhani ngaashi Junior Chichi gwoOngwediva City, Kulula Erastus gwa Khuse Fc nosho wo Torres gwoKK Palace.

Oyendji oya ndhindhilika kutya Young Chiefs okuna uunkundi komeho na oya pumbwa omudhani ngoka ha tulamo ookoola ka kuna we oshoka mboka yena payife ina ya pyokoka nawa.

Young Chiefs okwa taalela olugodhi olululu ehuliloshiwike ndika sho te ki ikwata naTigers mOlyomakaya omanga mOsoodaha ta ka taalela Tura Magic uudhano mbuka awuhe otawu dhanenwa moVenduka na ita wu ka kala uupu ku Young Chiefs ngele ina kutha ko oongaku.

LEAVE A REPLY

Please enter your comment!
Please enter your name here