Justine Garises ethamba dhingi moTsumeb

0
16

Maria Namupala

TSUMEB-Nonande hasho oshikando she shotango okukutha ombinga methigathano lyokakadhona dhingi, Garises okwali a thigi oyendji taya galangata omolwa okukatuka nokwiimemeha kwe.

Moshiindingili shokakadhona dhingi moshituthi shongopolo sha ningilwa moTsumeb oshiwike sha zi ko Garises oku ulikwa oye ontana dhingi pethimbo ndyoka. Ontana ndjika nonande ya holola kutya ethigathano lyawo ka lyali epu oye shi pondola sho ya kangele ayehe no yu ulikwa ethamba dhingi mondoolopa yongopolo.

Ethigathano ndika ohali longekidhwa omumvo kehe kelelo lyondoolopa pamwe nomahangano omakwashilipaleki pethimbo lyoshiindingili shokomumvo mondoolopa ndjoka. Ohashi gandja woo ompito ombwaanawa koontana ndhoka dha tokola nodhina omukumo okuya methigathano ndika.

Methigathano ndika omwali mwa kuthwa ombinga koonta 12 dhaza mondoolopa yaTsumeb oshowo oondoolopa dhopuushiinda. Garises okwa yambukile mondoolopa oyo tuu ndjika nokwa shanga ekonakono lyondondo onti12 nuumvo.

Okwa ti molwaashoka okwali a kala a hala okumana osikola ye, inashi kala tashi mupe ompito a kuthe ombinga momathigathano ngoka, okwa yelitha kutya okwali a kutha ombinga lwotango sho a li mondondo yotango, nokwali a zalekwa oshikoloni shokakadhona dhingi.
Okwati oku uvite etumba molwaashoka opwa piti ethimbo inaa kuthombinga momathigathano ngaka omolwekonakono lye lyokomumvo, ta ti okwa kala a hala okukutha ombinga nokwa mono ethimbo lyoopala konima yekonakono lye.

Kakele koshishani shuukadhona dhingi shoka a zalekwa okwa ti okwa sindana omapapa ogendji, nokuna omukumo nelalakano a ka kuthe ombinga momathigathano omanene moshilongo oshowo muuyuni.

Ontana dhingi ndjika oya tsu omukumo ayehe mboka ya kuthile ombinga methigathano ihe inaya mona ompito yokusindana, opo ya tsikile noku shi ninga sigo esindano lyawo lya thiki. Ta ti ohashi pula omukumo nomuntu wiitaala mungoye mwene kutya oto sindana, nena ayihe ohayi ende nawa.

“Aluhe ngele omuntu to yi methigathano lyontumba ohapu kala omusindani,nonande kapuna ngoka ha kala a hala a thigwe po kumukwawo,ina mu sa uunye tsikileni noku kuthombinga esiku lyeni tali ke ya shito ne mu zalekwe iikoloni ngaashi ngame ndeshi mono no ka nda li ndeshi tegelela,” ta ti ngaaka.

Aila Nakalila naye a nyola ekonakono lyondondo onti-12 okwa ulikwa oye 2nd princess na Eveline Tapiso uulikwa 1st princess methigathano ndika.
Aasindani oya pewa omasindano nomagano ogendji molwaashoka oyeshi pondola methigathano ndyoka lyali edhigu.

LEAVE A REPLY

Please enter your comment!
Please enter your name here