KK Palace Academy tayi humu nawa komeho

0
44

Shipi Elago

Ongwediva-Oshiwike shika Kundana okwa li a talele po oshiputudhilo shokatanga kokoompadhi shosipana yoKK Palace mOndangwa.
KK Palace oyi li yimwe yomoosipana oonkulu noonankondo mondjokonona yokatanga kokoompadhi moNooli na oha yi dhana moliha yoNorth West First Division.

Otwa li twa yi moonkundathana nomudheuli gwosipana ndjika Father Elemu ngoka wo oye omutse gwoAcademy yoKK Palace, oshiputudhilo shoka osho hashi putudha aadhani yomonakuyiwa yosipana ndjika.

Father Elemu okwa li etu pe ombahu nokawawa nkene sha simana opo kehe omudhani a kale eenda moAcademy oshoka omo ashike taya vulu okumona ofundamende ya kola ndjoka ta yi vulu okutunga po onakuyiwa yawo yi li nawa momaudhano.

“Oshiputudhilo shetu oshi na uunona okuza pomimvo 10 sigo 17, na ohatu yape omadhewo gokatanga kokoompadhi gopetameko ngoka itaa ya vulu okupewa uuna yeli moosipana oonene,” Elemu ta ti.

Okwa ti oshiputudhilo shawo osha egulukila uunona awuhe wuli moNooli kehe mboka tawu vulu okuya wu dheulwe ashike uunona oha wu zi komagumbo gawo esiku kehe okuya komadhewo osho ne wu wete kutya owundji womuunona mboka wu li moshiputudhilo shetu owaza mOndangwa niitopolwa yopuushiinda.

“Olwindji aadhani yetu mboka ina ya enda mooAcademy olwindji oha ya ningi omapuko ogendji giigalala, ngaashi okukankameka etanga, nkene ye na okumatuka, nkene ye na okuthanga etanga ta li ende oshinano oshihupi, noku tseya wo omahala gawo mokapale,” Elemu ta ti.
Oshiputudhilo shetu otu na mo uunona 36 na ota wu dheulwa nokulongekidhilwa uudhano opo wu kale onakuyiwa yosipana.
Kakele kontseyo yokatanga kokoompadhi ota ya longwa wo nkene ye na okwiihumbata nawa mokapale noku simaneka ooyakwawo.
Okwa tsikileko ta ti ohaya kuthombinga momathigathano gopaitopolwa, no ku kutha wo ombinga momaudhano gopambili noosipana dhilwe moshitopolwa.

Okwa ti onakuyiwa yosipana yawo oyi ikwatelela maagundjuka mboka haya dheulwa na ota ya ka kwathela osipana monakuyiwa.
Father Elemu ta ti ohaya idheula momasiku goshiwike kakele pomafudho goosikola.
KK Place Academy oya putudha aadhani mboka haya dhanene ngashiingeyi osipana ndjoka onene na oyendji ota ye shi enditha nawa.

LEAVE A REPLY

Please enter your comment!
Please enter your name here