Oshikondo shiipindi shaNEPC sha pumbwa eyambidhidho lyopaipindi

0
43

Loide Jason

ONGWEDIVA-Oshikondo shiipindi shaNew Era Publication Corporation (NEPC) oshali talelepo iikondo ya yama kepangelo noshowo omandiki gopaumwene opo ngaka ga yambidhidhe oshikundaneki Kundana niipindi shi vule okuhuma komeho.

Kundana oshikundaneki shaNEPC shoka hashi shangwa mOshiwambo na osha totwa po momumvo 2013. Omukuluntupitithi gwiipindi mehangano ndyoka Benjamin Jakobs okwa lombwele omandiki gayooloka kutya Kundana ota longo nuudhigu moku imonena iipindi onkene a pumbwa oku yambidhidhwa niipindi opo a hume komeho ngaashi naanaa iikundaneki iikwawo moshigwana.

Jakobs okwa ti iikundaneki ohayi hupu ashike miiyemo yiipindi nosho wo miimaliwa mbyoka hayi zi miifo sho tayi landithwa shoka ngashingeyi haasho shi li monkalo yaKundana. “Kundana ngashingeyi ohahupu ashike moshimaliwa shoka ta landitha iifo oshoka iipindi otayi shongola, onkee twa pumbwa okukala tamu tu yambidhidha oshoka Kundana oshifo sho shigwana,” osho ati ngaaka Jakobs okwa ti popi ndhika metalelop po lyomandiki ngoka oku tamekela moshitopolwa shaShikoto, Oshana noshowo Omusati. Okwa ti elalakano lyolweendo lwawo okumonathana nomandiki ngoka taga vulu okupitha iipindi yawo miikundaneki opo woo yatameke okupitha muKundana. Okwa ti wo iifuta yaKundana ngele otashiya kiipindi oyili pevi noonkondo adhihe tayi vulu oku adhika komunangeshefa kehe ngoka a hala okupititha iipindi. Okwa hokolola woo iipindi mbyoka ngele oya gandjwa Melaka lyoshiingilisa nena otayi vulu okutulwa mOshiwambo kaaniilonga mboka ya pyokoka nawa melaka ndyoka. Jakobs okwa ti kutya ngashingeyi oye na enene dhiladhilo lyokuya po nosupplimente kehulilo lyaDesemba opo ya gandje ompito komandiki ngaka ga tseyithe iipindi pomakalo gwomishangwa hokololo ngoka taga futilwa.

Ashike yamwe yomomandiki ngoka ga popiwa nago oya holola kutya otaya ka longa na Kundana ngele oompito dhokutseyitha iipindi yawo dha thikana.

Yamwe woo oya hokolola kutya Kundana okwa pumbwa oku shi tula momushangwa opo ye ye po nomushangwauvathano yo wape okulonga naye nuupu.

Jakobs ngoka a ningi ashike oomwedhi mbali mehangano ndika okwa ti okwa hala oshikundaneki shika shiyambukepo, opo iifo yi kale ya i ndjipalekwa opo kehe mehala mukale hamu thiki Kundana a gwana.

Okwa ti ngashingeyi Kundana okuna aashike iifo yili omayovi gaheyali no ngele okwa yambidhidhwa nawa nena iifo mbyoka otayi indjipalekwa ngaashi tashi vulika.
Jakobs okwa li ende pamwe nomuungaungi gwiipindi yaKundana Loyde Meroro oku zilila koVenduka.

LEAVE A REPLY

Please enter your comment!
Please enter your name here