Eenhana dha hogolola mayola omushona pamwe newiliko lye

0
612

Maria Namupala

EENHANA-Elelo lyondoolopa yEenhana moshitopolwa shaHangwena olya hogolola mayola omushona pamwe nookansela dhe.
Omunambelewa omukuluntu melelo ndyoka Walde Ndevashiya okwa yelitha kutya shika osho oshikando oshitine ondoolopa ndjika tayi ulike ewiliko egundjuka, pamautho goveta yomalelo goondoolopa yomomumvo 1992. Ndevashiya tati mayola pamwe nookansela dhe oya ganithilwa miilonga konima yomahogololo .Okwa ti oomayola nookansela aashona ohaya hogololwa owina okuyapa ompito ya vule okugandja omadhiladhilo gawo, yo ya putudhilwe uuwiliki. “Shika otashi gandja ompito kuyo okukutha ombinga momathaneko nomomahumokomeho gondoolopa, oshowo okugandja omathaneko kelelo lyondoolopa ngoka taya pewa kaagundjuka ooyakwawo, no tashi ya pe oompito oombwanawa okuninga omathaneko gonkalamwenyo yawo monakuyiwa, yo taya kuthombinga miinyangadhalwa yomahumokomeho,” Ndevashiya a ti.
Ndeshihafela Pohamba okwa hogololwa a kale mayola omushona omanga Louw Iyambo a hogololwa a ninge omupevi mayola omushona, Angel Jeremia oku ulikwa a kale omunambelewa omukuluntu gopevi, omanga iilyo yilwe yewiliko oyo Bargio Simon, Onesmus Kashululu, Josephina Fillemon na Elise Kafita.

Pethimbo ta ganithilwa miilonga Mayola Pohamba okwa uvaneke taka gwanithapo iilonga ye nokukwashilipaleka kutya oya longa ngaashi shu uthwa okukwathela elelo lyondoolopa oku eta omahumokomeho mondoolopa ayihe.

“Ondi uvite etumba mokukala ndi inekelelwa oshinakugwanithwa shika komapepe gandje opo ndi yakule oshigwana nokukandula po wo oompumbwe dhasho, ondi inekela kutya ondjodhi yo 2030 otatu yi adha ngele tse aaNamibia otwi imanga kumwe tuna ombili nena neliko lyoshilongo otali humu nawa komeho, otandi ka longa pamwe naagundjuka ooyakwetu,” Pohamba a uvaneke.

Ta gwedha po kutya okwa hala aanyasha yomondoolopa ya kale ye na elongelo kumwe naanyasha yokoondoolopa dhopuushiinda, noya kale aluhe haya tsakanene nokukundathana nkene taya kondjitha omashongo ge ya taalela.

Omunashipundi go Namibian Youth Action Movement Julia Shikongo okwa pula mayola pamwe nookansela dhe ya longe ngaashi shu uthwa noku gwanitha po iilonga yawo, tati esimaneko netiloKalunga nayi kale yimwe yomiilalakanenwa yawo.

LEAVE A REPLY

Please enter your comment!
Please enter your name here