Okaana kali kena oHIV kake ina vali

0
2356

Caroline T. Tiemessen

Okaana okaSouth Africa oko ka kala kena ombuto yo HIV oule weedula omuwoi, ka kala ihaka nu omiti do ARV, okeli oondobwedi kutya ombuto yoHIV ota i dulu okuninipikwa noku kana mo molutu lomunu.

Eninipiko, olo lashivika yoo kutya evelulo lihefi lo filufilu, olo omukalo omo olutu hali dulu okuninipika oHIV inapa longifwa oantiretroviral.

Eninipiko ohali longo pamukalo wopaunamiti opo omunhu ha kala ta longifa omiti nopefimbo lonhumba tedi xulifa po. Opelesenda ashike imwe yovanhu mounyuni hai dulu okuveluka pamukalo oo.

MoSouth Africa, eshi osho oshikando shotete omo omuhu a veluka komukalo oo, noshili oshikando oshititatu. Hano eshi osha etifa omalipulo kutya mbela omiti, ile olutu lokaaina ile mbela omolwashike okaana aka keli kalekelwa.
Ame ondili oshilyo shokangudu komapekapeko oko taka tale nokukonaakona okaana aka.

Otwa mona kutya, ombuto yoHIV molutu otai dulu okuninipikwa, konima eshi omunhu a kala kepango okafimbo kanini.
Otwa vilikila oshidjemo eshi p efimbo loshoongalele oshiti 9 shopaiwana shehangano loInternational Aids Society conference on HIV science shali moParis muJuli neudo.

Eshi twa mona po oshi li ounhimbu mekonaakono kutya mbela oshikwashike hashi dulu oku eta efindilopedu lombuto yoHIV.
Eshi, osha patulula omivelo mekonaakono nghene eninipiko eli tali dulu okuningwa lile, nokuningilwa ovanhu vakwao ovo tava lumbu nombuto.

Oshidjemo shinyakula
Okaana oko oukwatya woukashikekookanhu wako ina u popiwa, okali ka dalwa kuina modula 2007 oo ali ena ombuto yoHIV. Okaana aka oka monikile ombuto omanga kali kena ashike omwedi umwe, nokali ka shangifwa mo popolpgalama yo Children with HIV Early Antiretroviral Therapy

(Epango lounona loARV lopetameko). Epango eli ola kala po okudja komudo o2005 fiyo 2011. Okaana aka okamwe komunona 143 ovo va pewa epango loivike 40.

Ombuto mokukala ohai alukile omunhu mefimbo loivike konima eshi omunhu a xulifa po okunwa omiti. Ombuto ei oha i aluka ya hanya nohai eta opo eeCD4 diwe pedu neenghono.

Ashike monghalo yokaana aka,evalulo leeCD4 dako ola kala shike lili nawa ngaashi naana domunhu oo ehena ombuto.
Konima yeedula hetatu eshi ka xulifa po epango, okaana aka natango ita ka uike omadidiliko ombuto
Opo kumonike kutya omolwashike okaana ake kena eveluko inalifa lavakwao, paife okaningilwa ekonaakono hali ifanwa virological, immunological and genetic studies.

Otaku hokololwa okaana kali kena ombuto ihapu ili mohonde omanga kali kena eehani mbali netata eshi ka tameka epango. Eshi ka wanifa eedula omuwoi netata, mohonde yokaana aka omwali ashike muna okambuto ka nini. Otwa mona yoo kutya, ovakwaita volutu vokaana, ova dimbulula ombuto ei nale. Ashike mongaha ina tu dimbulula kutya ovakwaita volutu ovelipi naanaa vali popepi, pefimbo ka kwatwa nopefimbo lepango.

Oinima itatu ya pumba oyo twa mona po
Otwa mona po iningwanima itatu oyo ina oileshwa ya yooloka. Oshotete okaana ka dalelwa moMississippi, ka kwatwa kombuto pefimbo ina ta pulumuna mo2010.

Okaana oka tameka epango eevili 30 konima eshi ka monika ombuto, noka kala nokunwa omiti fiyo ka wanifa eemwedi 18. Ombuto oya kala ihe wetike oule weemwedi 27, nokonima ombuto oya aluka.
Oshilelwa eshi ota shi holola kutya eninipiko lombuto otali dulu okukala oule wefimbo lonhumba.
Oshileshwa oshitivali, oshokaana ka dalwa mo1996 moFrance.

Okaana oka tameka epango manga kali kena eemwedi nhatu, nepango eli ola xulifwa po eshi ka wanifa omido hamano. Eshi nasho otashi ulike kutya ombuto otai dulu okuninipikwa.
Moshileshwa shetu otwa mona kutya ombuto otai dulu okushunifwa pedu nonande opefimbo lokafimbo kanini lela.

Okudja nghee eninipiko la tameka okwa kaliwa nokukonaakonwa ngeenge ombuto otai dulu okuninipikwa ngee okaana oka tulwa kepango meni leevili 48 eshi ombuto ya monika.

Etumwalaka loye
Oshapumbiwa okupangwa pefimbo. Shashi ohashi ninipike etandavelo lombuto na ohashi amene ovakwaita volutu opo va ha ehamekwe kombuto. Ohashininipike ombuto meecela nokunawapaleka oukalinawa nokulelepeka onghalamwenyo.
Ashike otushishi yoo kutya ngeenge epango ola xulifwapo omalutu a vahapu ihaa dulu okuninipika ombuto, onghene okwa pumbwa oku talika komakwafo amwe.

Vali, ovanhu vahapu ohava tameke epango pa pita efimbo lile eshi va monika ombuto nashi oshi li eshongo linene meninipiko.
Okaana okaSouth African otake tu ulikile kutya oinima otai dulika, ile ohai dulu okuningwa meengudu donhumba, nomadidiliko opo eli, na otwa pumbwa oku a landula noku a konaakona opo tu hange edimepo lomukundu.
Ashike eshi sha fimana osheshi kutya ovanaudu in ava efa po epange fiyo opondondo oyo ounhimbu nounhimbu vekandulepo lomukundu va tulwa kumwe noku eta po epango lashili.

● Omunyoli: Caroline T. Tiemessen oye omutwe woCell Biology, Centre for HIV and STIs, National Institute for Communicable Diseases.

LEAVE A REPLY

Please enter your comment!
Please enter your name here