Okanona ka pumwa kuhe nosheenditho

0
575

Maria Namupala

ONAYENA-Opolisi moshitopolwa Oshikoto oya patulula epeko lyomakonako nota yi konaakona oshiboth shokuhinga nuuhasha. Olopota yopolisi ya pitithwa komupevikonakoni nomukwatakanithi koshikondo shiimbuluma moshitopolwa shoka Edna Nawa oya koleke oshiningwanima shoka.

Nawa ta ti omulumentu gomimvo dhopokati okwa lyata okanona ke komvula yimwe noomwedhi ne, sha ningilwa pegumbo lyawo mOmpugulu mOnayena. Otaku hokololwa kutya omulumentu okwa a dhika ta shunitha osheenditho she monima shokatuukala koludhi lwoNissan, sho a pumu okanona ke hoka ta kuti oka adhika taka dhana molugumbo lwegumbo lyawo.

Oke ehamekwa unene nokafalwa kokapangelo kOnayena, hono lwanima ka tuminwa koshipangelo shaNandjokwe hoka taka mono epango.
Omakonakono gopolisi otaga tsikile moshinima shika.

Moshiningwa sha yooloka moshitopolwa osho tuu shoka opolisi oya lopota olutu lwomulumentu gomimvo 54 lwi itsuwa momukunda Onathinge moshikandjohogololo Onayena osoondaha.

Okwi itsuwa ku mushiinda mondunda ye yokulala, nosheetithi sheso ina shi tseyika. Otaku hokololwa kutya okwali ena uunkundi
wopamadhiladhilo, noha kala megumbo oye awike.

Olutu lwe otalu ningilwa omakonakono kumonike osheetithi sheso.

LEAVE A REPLY

Please enter your comment!
Please enter your name here