Oshiwike shoonguwo moVenduka sha hulu

0
25

KuPinehas Nakaziko

Windhoek-Olweetho olutiyali lwoshiwike shoku ulika oonguwo moshilando (Windhoek Fashion Week) osho lwa thiki pehulilo petameko lyomwedhi nguka.

Oshituthi shika sha dhanenwa poNampower Convention Centre, oshali she ende nawa, noshali sha etelele aahondji naa endi dhingi oyendji okuza moshilongo, nopiilongo yopopepi.

Oshiwike osha tamekele tango noku egululwa kuLeah Misika sho a ulike oonguwo dhe dhoLM, mwakwatelwa ohema ye ndjoka a ninga muundoha woRed Bull.

Oshituthi okwa li sha thiki pehulilo noku edhilwa komunduluki gwoonguwo omuSouth Africa David Tlale, moku ulika omizalo dhe pamwe nopolohalama ye yedhina The Intern, ndjoka hayi dheula aahondji yoonguwo.

Momukokomoko gwasho aailongi koshipututdhilo shuunkulungu shoCollege of the Arts konyala ye yaheyali oya li ya ulike uunongo wawo niilonga yawo yuunkulungu mokunduluka iizalomwa ya yooloka.

Omuhondji enyakwa omukalimo moSwakopmundu, Christ Shameulu, na ye okwa wayimine aailongo yokoKollege of the Arts moku ulika oonguwo dhoopatrona dha adha puntano, dhina olwaala olumbulawu, dhanuninwa aakadhona mboka ye na omalutu ga viha [omanene].
Melisa Poulton na ye ina thigwa po koshituthis shika sho a ulike oonguwo dhe oombwaanawa kohi yehuku Earth Fire. Okwali ulike iizalomwa ya adha po 23.

Okwa landulwa ku Ingo Shanyenge ngoka a ulike iizalomwa ye yedhina‘Power in My Style’.
Omanga Maila Kalipi, okuza kehangano lyoMaila Kouture a li a nyanyudha oyendji sho a ulike iizalomwa ye yedhina Bloom, mbyoka yi na olwaala olushunga.

Nuumvo oshituthi shika okwali sha etelele aayendi dhingi ya adha po 45, mboka ya kala noku ulika iizalomwa yaahondji ayehe, yomeni noyopondje yoshilongo.

LEAVE A REPLY

Please enter your comment!
Please enter your name here