Ovanamaumbo 32 mOshana va teya oiimati yoSCORE

0
68

Omutoolinghundana

OSHAKATI-Ehangano SCORE la kala paamha moNamibia eedula dihapu, ola yandja oikunino 32 kovakali moshitukulwa shaShana. Nonando Namibia a taalelwa komikudu delunduluko longhalo yomhepo, oshilongo otashi dulu kwiilongela eendja dasho vene nopomafimbo madjuu. Edi,oda tumbulwa komunambelewa omukwatelikomesho wehangano SCORE moitukulwa Oshana, Omusati noKunene Merjam Ndahafa Kaholongo.
Kaholongo ota ti mokati koikunino 32 ya yandjwa moshitukulwa shaShana, 20 yomuyo oyovanhu oohandimwe ikwao 10 oya yandjwa keefikola na ivali oyeengudu domuhanga ngaashi kEloololo moshikandjohoololo Okaku, kOmulathitu moshikandjohoololo shaKatana. Ehangano ola yandja oikunino moitukulwa Omusati koshikandjohoololo Ohetayi keefikola omuwoi oshoyo omaumbo 14 koshikandjohoololo shaKalongo 10, eefikola da tofwa mo, omaumbo 24, oikunino yoovene ivali.

Omukomesho wombelewa yoSCORE moitukulwa itatu Kaholongo ota ti, ope na omikalo oshiwana tashi dulu okulandula shi dule kukala noikulya okupalula omaumbo nokwiikola sha modjato. Omukalo ou owa dulikifwa kepangelo mokulongela kumwe nomahangano opaiwana okupitila moSCORE tai yandje omakwafo moitukulwa iheyali ya tofwa mo Kunene, Omusati, Oshana, Kavango Ushilo naKavango Utokelo noZambezi. Onghee SCORE otai kwafele oshimaliwa yoo tai longo okudilila kehangano loEnvironmental Global Facilities opo I kwafele omapangelo oilongo ya iwa nayo meudafano okupitila mehangano loUNDP.

OvaNamibia moitukullwa ya tofwa mo, ekwafo otave li mono palongelokumwe loikondo shefiloshisho lomidingonoko noshikondo shounamapya, omalelo opaitukulwa noshiwana. Omukwatelikomesho woSCORE moitukulwa ei Kaholongo ta weda po kutya, elalakano okulonga oshiwana shi longe oikulya, shi dje mondjala. Ehangano otali vatele oshiwana moitukulwa shi longife omikalo dekwatele po lomeva ngaashi efundja. SCORE okwa xupa omatale mOkaku moshitukulwa Oshana, kOmusati okoshikandjohoololo shaTamanzi nokOkalongo omanga koshitukulwa shaHangwena okOngenga nokEngela oshoyo koshitukulwa Oshikoto.

Kaholongo okwa yelifa kutya SCORE oku na omalalakano okuyandja ouyelele koshiwana okupitila momadeulo kutalike kutya oshike shi na kuningwa po mekandule po londjala noluhepo moshiwana. Onghee ovanafaalama oohandjimwe konima yomadeulo ova ninga oikunino pomaumbo ngee oohandimwe, meengudu pomikunda nopeefikola da hoololwa mo. Ehangano ola tofa mo ovo va pewa oikunino kwa talika keemhumbwe davo nomunafaalama oku na kukala e nomeva peumbo. Ola kufa mo ovafiyekadi neefiye kwa talika ovo unene ve li moluhepo. Kaholongo ta koleke kutya vahapu va tameka noikunino oohandimwe eefikola neengudu domuhanga eenghalamwenyo davo odi liwetikile. Kaholongo ota ti otava deula ovanhu moikandjohoololo va tameke kulonga oikunino pomaumbo opo tu taatae po ondjala.

LEAVE A REPLY

Please enter your comment!
Please enter your name here