Sere ota ka pitifa oalbum yaye yotete

0
25

Tuulikki Abraham

Lüderitz-Omuimbi weengalo do Kwaito, mo doolopa ya Lüderitz David Iipinge nedina lashiivika nawa mokushika eengalo Sere Mo Sere, ota tumbula kutya okwa tota eengalo do Kwaito dafika pomulongo, nota longo noudiinini opo edi tumine moshiwana shi pwilikine etumwala olo di na.

Mo Sere ota tumbula kutya, yeemwene oku na omafaneko opo oalbum yaye yotete i ka kale yapita komaandelo odula twafinda.Pefimbo eli okweli pyakidila nokutala nhumbi oalbuma ei tayi ka pitifwa unene tuu eshi e na eshongo lokwaahena omukwashilipaleki pashimaliwa.
Oku na elineekelo nokutya oshiwana otashi ke mu yambidida opo a dule okupitifa oalbuma yaye ei yo ondjodi yaye ininge yoshili.

Meengalo daye odo a tota, dili omulongo paife, odina etumwalaka tali popi, kombinga yonghalamwenyo omo oshiwana shi li pefimbo lopaife, nghene omunhu una okulikongela ouxupilo kwoovemwne, nonghene omunhu to dulu okukala monghalamwenyo uhena ovadali voye.
Mo Sere okwa hovela okwiimba eengalo pamwe nookaume kaye voo Town Boy modula 2010. Modula 2014, omo nee a hovela okukwata omaimbilo aye, oo eli pyakidila nao fiyo okonena. Otati ita sholola, ota pula komesho, ndele fiyo aka pitifa oalbum yaye yo tete, yee a dule okushikulifako dikwao.

Moungalo ovo aimba omuna oungalo vavali Mondambo na Felende eva imba pamwe nomushikingalo Okocha, omanga moungalo veli vatatu Streetlife, Never Give up, oshoyo Felende , eva imba pamwe nomushikingalo Town Boy.
Sere Mo Sere okuna eedula 28 nokwa dalelwa momukunda Oshihau, mOukolonkadhi, moshitukulwa Omusati, pefimbo eli okuli omukalimo womoLüderitz moshitoplwa sha //Karas.

LEAVE A REPLY

Please enter your comment!
Please enter your name here