Ano aantu ooyakwetu muAfrika ohaali shike?

0
92

KuDesie Heita

WINDHOEK-Aantu moAfrika oha tu li iikulya ya faathana. Aantu atuhe oku za ashike kuumbangalantu sigo okombuga, kuuzilo sigo okuuninginino waAfrika, oku za ngaa koKairo muEgipiti sigo okoKapa, Suid Afrika, aantu atuhe oha tu li iikulya ya faathana. Eyooloko olili pokuteleka. Yamwe momakunde gawo ohaa tula mo omalume ga nika niikwamboga yimwe, yamwe ihaa tula mo sha, ashike ayehe ohaali omakunde. Mpaka otatu ku etele iikulya mbyoka yi holike unene muAfrika.

Oshikulya shino tse ohatu shi ithana shike: Omakunde gondulu
MuAfricaka ohashi ithanwa shike: Ontiligane Ontiligane’
Oha shi liwa peni: Afrika alihe

Okutya nee omuluudhe omuAfrika eli muAmerika, nenge omoAfrika momwene, omakunde gondulu oge holike. Omakunde ngaa ngaka getu hatuti ogoShindonga nenge ogoShiwambo. MuAfrika ondulu ohayi ithwanwa, ontiligane ontiligane, shaashi ngele gapya oha ga kala ga tiligana moshiyaha. Tse Aawambo shi ha tutulamo omagadhi ashike goSolo, yakwetu yamwe miilongo yaAfrika oha ya gwedha mo omatama ga tsuwa ga ninge enoko, omanga yamwe haya tula mo omagadhi goondunga dhuushimba. Mba nee yafa ye na ngaasha miigandhi oha ya gwedha mo nee, omasipa, nenge oondhingu, nenge oohi. Ashike unene, muAfrika alihe ondulu ohayi telekwa owala mwatulwa omagadhi, opuwo ngakaa.
Oshikulya shino tse ohatu shi ithana shike: Omafo gomudhika
MuAfricaka ohashi ithanwa shike: Mpondu Melaka lyoshiLingala nenge Saka-Saka moshiKikongo.
Oha shi liwa peni: DRC, moKongo ndji yaKabila

Omafo gomudhika ohaga telekwa owala ngaashi tse hatuteleke omboga. Yamwe ohaa gwedha mo oonyanga, nomagadhi, oshowo ondungu. Yamwe ohaali nee noolwishi nenge noshimbombo shepungu. Ashike unene oto adha owala Osaka saka tayiliwa ngawo.
Oshikulya shino tse ohatu shi ithana shike: Iithima nomboga
MuAfricaka ohashi ithanwa shike: mboga keinyeji nenge ugali mboga keinyeji
Oha shi liwa peni: moKenya, Tanzania, Uganda, Rwanda, ndele nomoNamibia

Miilongo yokUuzilo wAfrika aantu ohaali unene iithima yepungu nomboga. Omboga yawo inayi fa naanaa ngaashi yetu ndji hayi ya pomvula, ashike nee kiilongo hwiya okwaziza owala aluhe. Omboga yawo otayi monika aluhe. Yamwe ohaya gwedha mo onyama nenge onyama yondjuhwa.
Oshikulya shino tse ohatu shi ithana shike: Etapati
MuAfricaka ohashi ithanwa shike: Egusi
Oha shi liwa peni: MoNigeria nomoGhana

Oontanga dhomakanuwa nomatanga gomukokotwa dha tsuwa e tad hi telekwa dhi ninge osopa.
Yamwe ohaa gwedha mo nee iikwamboga, nenge onyama. Ashike unene aantu momikunda oha ya li owala etapati lyawo niithima ya ningwa nomudhika nenge nolwiishi. Methano omuna nee etapati lyapya, ta li vulu oku elelwa, nongele nee lya tulwa mumwe niikwamboga.
Oshikulya shino tse ohatu shi ithana shike: Osopa yoshikombo niihakautu
MuAfricaka ohashi ithanwa shike: Edhina edhigu, olili mOshiputu
Oha shi liwa peni: moAngola nomoMozambike

Onyama owala yoshikombo yatelekwa momahoka, mwatulwa iihakautu yatetwa iinene. Mba yena iitowalekethi yawo taaagwedha mo tuu. Osha li wa nee unene pomathimbo gasimana, megumbo muna aayenda nenge esiku lya nuninwa sha.

Oshikulya shino tse ohatu shi ithana
shike: Omatangala
MuAfricaka ohashi ithanwa shike:
Mogodu
Oha shi liwa peni: MoNamibia,
mSuid Afrika, Zimbabwe, Zambia

Ngano omatangala gogenegene ga telekwa momikalo dha yooloka ogo ageke nenge
ga tulwa mumwe niihape.

LEAVE A REPLY

Please enter your comment!
Please enter your name here