Atushe a yandja omaano eeN$34 000

0
69

Tuulikki Abraham

Lüderitz-Ehangano Atushe Rock Lobster hali kwata omakolofish mefuta laNaimbia, oshivike shaya ola yandja omaano eeN$34 000, tali ufanwa Lüderitz Early Childhood Development. Endiki lo Kindergarten e li ola yeululwa pambelewa metitano ladjako, molukanda lo Area 7 moLüderitz. Oshimaliwa osha yandjwa shika longifwe mokutula po onhele yokudanaukila ounona ovo tava kala nokulongwa pEndiki opo.
Omaano otyeke okwa tambulwa ko komunambelewa omukulunhupitifi melelo lodoolopa ya Lüderitz, Aunie Gideon, metitano la ya, pefimbo oKindergarten ya yeululwa pambelewa komupedu Minister wOukashike kookanhu nOnghalonawa younona Lucia Witbooi. Pefimbo ta yandje omaano, oshilyo shehangano Atushe Rock Lobster O’Brien Forbes okwa tumbula kutya, ehangano lokuyula omakolofish Atushe, ehangano le li manga kumwe nomahangano ane, ngaashi Jeselto Fishing, Bogenfels Fishing, Omongwa Fishing no NovaNam. Forbes ta tumbula kutya ehangano lo Atushe, ola tokola opo li shunife sha moshiwana, okudja mwaasho va likola mokuyula omakolofish. Ta ti ova tokola, va yandje oshimaliwa osho shi longifwe mokutulapo oidanaukifo, pendiki loKinder molukanda lo Area7, osho Forbes a tumbula kutya, oshili ekufombinga linene mokuhovelifa ofundamende yehongo, loshiwana shokomongula.

Endiki lo Lüderitz Early Childhood Development Centre, ola longololwa noku tulwa pomufika uli nawa, kehangano lo AngloAmerican Namibia Foundation koshimaliwa shee N$ 750 000.

Efiku tuu olo endiki olo la yeululwa, ehangano lokuyula eeshi ledina Marco Fishing nalo yoo ola yandja omaano oshimaliwa N$5000, shilongifwe mokuhumifa komesho endiki eli.

LEAVE A REPLY

Please enter your comment!
Please enter your name here