Nkene Mokomele ha palutha aadhani yobasketball moKatutura

0
17

Shipi Elago

Oshakati-Lucia Mokomele ote shi enditha nawa okulongekidha oshuumbululwa shaanona mboka haya hiti pendiki lyoBasketball moVenduka.Endiki ndyoka li li momake goGIZ ehangano lya Ndowishi ndyoka hali kwathele miikandjo ya yooloka moshilongo kombinga yuudhano wobasketball.

Mokomele oye omukuluntu gwokombitha poshiputudhilo shika na oye e na oshinakugwanithwa sho ku tokola shoka shi na oku pewa uunona esiku kehe nokulongekidha iikulya mbika opamwe naaniilonga yaali mboka ha ye mu kwathele okuteleka nokutopola iikulya mbyoka.
“Uunona awuhe mboka hawu hiti pendiki lyetu ohawu pewa omwiha esiku kehe omanga inaa wu tameka nomadhewo gawo, oshi li nduno oshinakugwanithwa shandje opo ndi mone kutya kehe esiku uunona mbuka ota wu li iikulya ya yoolokathana, na oyina iitungithi opo wo yi vule oku ya kwathela ya kale ta ya dhana nawa,” Lucia ta ti.

Okwa ti aadhani oya pumbwa iikulya ya dhindwa nawa opo yi kwathele mokutunga po omalutu gawo pamaudhano noku kwathela omalutu gawo ga kale ge na oshiviha shi li nawa.

Okwa ti kakele kiikulya aadhani ohaya pewa wo omaludhi giiyimati ya yooloka esiku kehe, ta ti iiyimati oya simana kaadhani oshoka oyina iitungithi yolutu oyindji.

Ehangano lya GIZ oli miitopolwa shaKhomas noshaHangwena moka tali ningi omalunduluko gi iwetikile ngele ota shiya komaudhano, niilongitho yomaudhano yopashinanena.

Ehangano ndika olya li lina oshigongi opamwe naamboka ya gumwa keepoloyeka dhalyo moshilongo etitatu lya zi ko mEenhana oku tala omashongo ngoka ga taalela emanitho lyoopoloyeka ndhika moshitopolwa sha Hangwena. Paulus Ngikembua omunambelewa gwomathaneko nomapendulepo mombelewa yelongo moshitopolwa shaHangwena okwa li a yakeleko Kundana nkene oopoloyeka dha GIZ ta dhi humitha komeho oonkalamwenyo dhaanasikola moshitopolwa shaHangwena unene tu moosikola dhokuushayi.

Okwati oosikola 22 mOhangwena odha gumwa koshikonga sha GIZ sho kutunga uupale wopashinanena noku gandja uupale wo pashinanena.
“ Uupale womaudhano mbuka owa tegelelwa opo wu ka tsike ombepo yo ku hola omawudhano mokati kaanona mOhangwena niitopolwa yopuushiinda oshoka onkalo yuupale otayi hokitha na otayi eta uudhano wu kale pondondo yi li pombanda,” Paulus ta ti.

Paulus ta tsikileko ta ti uupale owundji ina wu pwa natango okutungwa omanga oosikola dhimwe odha pewa nale uupale wa pwa okutungwa.
Sho twa li twa taalelepo Eenhana VTC otwa li twa mono nkene uumati nuukadhona uugundjuka taw u longitha ehwata lyuupale mboka wa tungwa kuGIZ ongoshitopolwa shomalolelo.

Otaukondjele Combined School oyo osikola yimwe yi li methaneko lyokutungilwa uupale ku GIZ nomukwateli komeho gwomaudhano posikola mpoka Ferderick Sitali okwa li a popi nkene uunona posikola yawo wa nyanyukilwa eputuko ndyoka lya thinda kosikola yawo.
Okwa ti ngele uupale owa pu otawu ka kwathela uunona mboka wa kala konima yesiga oshoka uupale owu li pamuthika gwopashinanena.

LEAVE A REPLY

Please enter your comment!
Please enter your name here