Nova tayi ka patitha uusiku woAcoustic Friday waFNCC

0
18

Komutoolinkundana

WINDHOEK-Uukadhona uyali hawu imbi oongalo dhoAfro-pop, Brea na Muni wa tseyika nawa moongalo nedhina Nova, owo tawu ka patitha uusiku wEtitano lyoshiwike tashiya.

Uusiku mboka woAcoustic Friday owa etwa po kehangano lyuunkulungu lya France, ndyoka lili moNamibia lyedhina Franco-Namibian Cultural Centre (FNCC), no hawu ningwa kehe omwedhi, kaahikingalo ya yoolokathana.

Nuumvo, Nova oye taka patitha uusiku mbuka omvula ndjika, noongalo dhe oompe. Nova oye a kala e shiwike nedhina Stardust ngoka ali a sindana omakopi ogendji kethigathano lyaahikingalo dhingi moNamibia.

Ongundu ndjika oya tokola opo yi ka kale ya nyanyudha noonkondo mboka taya ka holoka, nelalakano lyokugandja omayambeko goKrismesa.
Nova oyali ya lundulula edhina lyawo okuza kuStartdust, sho yali ya ndjoina ongundu yehangano lyoongalo epe lyo Distinctive Art Media House, hoka oko yeli taya ningile oongalo dhawo.

“Mokushendja edhina lyetu oku ulika ashike kutya tse otwa koka, nolya ninga ethimbo lyokuya molupe olupe. Otwa hala ishewe oku koka ngele tashiya moongalo,” Brea ta ti ngaaka. Okwa gwedha po ishewe ta ti, yo otaya ilongekidhile oalubuma yawo kohi yedhina Nova, noongalo ndhoka ota dhi ka uvika puusiku mbuka

Muni okwa ti, konima otaya ka ilongekidhila okunyanyudha pomahala ga yooloka, noku ulika uunongo wawo. Uutekete otau ka adhika kooN$70 sigo 100.

LEAVE A REPLY

Please enter your comment!
Please enter your name here