Oomilliona N$269 dhiilonga poHelao Nafidi

0
28

Helvy Shaanika

Oshikango-Elelo lyoHelao Nafidi olya tula miilonga, iilonga mbyoka ayihe kumwe ya kutha po ooN$268.9 oomilliona uule womimvo heyali dha piti.

Iilonga mbika oya kwatela mo etungo lyomagumbo, oondjila nosho wo omahumokomeho galwe gopashilando. Iilonga mbika oya tulwa miilonga nokufutilwa kelelo lyoshilando shika osho wo kepangelo, nokomahangano gepangelo.

Sho a popitha oshigwana poHelao Nafidi pOshikango Minista gwEyokomeho lyoMiilando noKomikunda Sophia Shaningwa okwa ti epangelo lyopokati olya futila iilonga yongushu yooN$219,oomilliona nooN$35.9 oomilliona odha longithwa okutunga omapandaanda nominino dhomeya, naandhoka dheyogopeko, ooN$3.7 oomilliona odha longithwa kokushenopeka, ooN$11.5 oomilliona odha longithwa okutunga omikanka dhokufala omeya gomvula kokule ooN$346 000 odha longithwa okukonakona evi omanga ooN$4.2 oomilliona odha longithwa oku eta po osasiona yakadhima mulilo.

Oshipambu oshinene osha longithwa metungo lyiilonga yoku opaleka omeya ga luudha mbyoka ya tengenekwa ya kutha po ooN$145 oomilliona okuza mondjato yepangelo.

Etungo lyoshidhindi shomeya ga luudha shika okonyala sha pwa naashika otashi kala nokudhinda omeya ga ndoyapala naangoka gefundja. Shika osha manithwa konyala nooperesenda 95 pahapu dha Shaningwa.

Oshilando shokoongamba osha longitha wo ooN$43 oomilliona okutunga omagumbo 70 pEngela, Omafo nOhangwana, ooN$5 7 oomilliona okutunga omatala gokulandithila omape ngoka ga egululwa Olyomakaya ga piti omanga ooN$5.7 oomilliona odha longithwa okutunga endiki lyomauliko giipindi ga Helalo Nafidi , nooN$8.9 odha longithwa mokuthaneka ondoolopa.

“Opo oshilando shi hume komeho nelelo li gandje omayakulo gopamahupilo, ethaneko lyoshilando olina okutalika ko nomeho omanene.Onkene ewiliko otali longo oku eta po omahala gomalukalwa ge li 16 moka tamu ka tulwa omahala gokutungwa omagumbo geli 4 063 momalukanda agehe gatano” Shaningwa osho a ti.

Okwa tsikile a ti mokati komahala ngoka omwa kwatela omahala goongeshefa, iiputudhilo nomahala gepangelo.
Okwa ti omalukanda ngoka oga tuminwa nale kewilikongundu lyomathaneko opo li ga konakonwe omanga gamwe oga pwa nale. Helao Nafidi okwa mona wo oshimaliwa ooN$5.9 oomilliona oku za koRoad Fund Administration okuhwepopeka oondjila ooN$1.5 omilliona oku za koNored okushenopeka Oshikango, Ekango laHamulenge nOnhuno.

LEAVE A REPLY

Please enter your comment!
Please enter your name here