Oshinyandwa poSwakopmund ehulilo shiwike ndika

0
13

Komutoolinkundana

WINDHOEK-Ombaanga yaWindhoek oyi uvite etumba okuku etela oshinyandwa shoka sha ndulukwa ku Aldo Behrens, David Ndjavera na Keamogetsi Joseph Molapong.

Oshinyandwa shika osha kankamekelwa koshidhano sha nyolwa komushangi gwiinyandwa omunedhina gokoAmerica, Edward Albee. Oshinyandwa otashi ka dhanwa Olyomakaya 25 noSoondaha yomilongo 26 Novemba nuumvo poshinyanga shedhina Haus Der Jugend moSwakopmund.

“Oshinyandwa shika oshomuntu gumwe tashi konakona okuikalekelwa, eikalelo nokupopya itaaku uvikako muuyuni waantu taya tidha omaliko” osho Behrens a ti. ‘Oshinyandwa otashi popi kombinga yaadhani musho yaali, Peter na Jerry, mboka ya kalelwa po kuMolapong oye Peter, pamwe na Ndjavera oye ta dhana oshitopolwa shaJerry. Peter okwa fa e na onkalamwenyo yili nawa. Efamili lye kwaalukehe olili nawa nolya ngungumana. Kombinga onkwawo, onkalamwenyo ya Jerry oyili mevundakano noke uvite ko kutya omolwashike. Mbaka yaali oya tsakanene moshikunino shiinamwenyo moshilando na Jerry okwa indile Peter opo ya popye, manga Peter a li ashike a hala okuvululukwa okathimbo. “Shoka sha landula ko osho uudhano wu udha onkumwe” Behrens a ti.

‘Oshidhano shika osha dhanenwe poshinyanga shiinyandwa sha Tinnenpot Teater moGhent, Belgium muKotoba nuumvo, okutsakanena noshiwike shoshiAfrikaans sha longekidhwa koYunivesiti yaGhent.

“Otwa hala okupandula Ombaanga yaWindhoek molweyambidhidho lyayo okudhanitha oshinyandwa shika. Ando okwa li inaa ye tu pa eyambidhidho andola shika inashi vula okudhanwa,” Behrens a ti.

LEAVE A REPLY

Please enter your comment!
Please enter your name here