Oshiponga shomuPresidente oshiponga ashike

0
350

Staff Reporter

Windhoek-Opolisi yaNamibia oya ti oshiponga shoka sha ningilwa pOmuthiya oshiponga ashike. Opolisi oya popi shika momushangwa moka ya fatulula kutya oshiponga shoka sha ningilwa mOmuthiya sha guma osheendo shOmupresidente naamoka mwa ehamekelwa omunambelewa gwopolisi oshiponga ashike. “Oshiponga ashike moka omuhingi kehe a li ta vulu okukala mo omanga a li ta kambadhala okuyanda okupuma oshinima nenge omuntu nenge ashike a li ta yanda oku eta oshiponga” opolisi osho ya ulike momushangwa.

Opolisi oya ti ishewe omapopyo taga popiwa kutya oshiponga shika okwa li sha dhiladhilwa ogo iifundja no ka ge na oshili mugo”
“Iiponga ihayi vulu okutengenekwa onkene shika itashi vulu oku ti wa osha etwa kiihauto yomosheendo shOmupresidente” opolisi ya ti.
Oshiponga osha ningwa Osoondaha ya yi ongula onene popepi nongeleka yaELCIN mOmuthiya. Pethimbo osheendo shOmupresidente shali tashi thiki mOmuthiya,omunambelewa gwopolisi okwa inyengitha ehauto lye okuyanda iipume mehauto limwe lya thikama. Omupya omunene oonguka kutya ehauto lye olya thigi po ondjila noku puma kommanda gwosasiona yopolisi mOmuthiya, Paulus Leonard (47), ngoka a li miilonga konyala oometa dhontumba okuza mondjila. Omunambelewa okwa li e ehamekwa unene noonkondo nokwa falwa koshipangelo kOshakati e li monkalo omwinayi nando oya ngungumana. Pahapu dhopolisi.

“Ina ku lopotwa we omaehamo galwe. Opwa patululwa oshipotha shehingo nuuhasha posasiona yopolisi pOmuthiya.” Opolisi ya ti.

LEAVE A REPLY

Please enter your comment!
Please enter your name here