Uumbugantu waAfrica wa kutha ko oongaku okuopaleka oateletika

0
13

Shipi Elago

Oshakati-Iilongo yokUumbugantu waAfrica oya ningi esiku ya gongala moJohannesburg sha South Africa moshigongilonga shoka sha talulula nkene yo ta yi ikutha kohi momathigathano gopamuthika gwopaigwana.

Oshigongilonga shika osha tala nokutota po oondunge thaneko nkene iilongo yokUumbugantu mbyoka ya kala konima yesiga ethimbo ele tayi humitha nawa uudhano mbuka opo aatondoki yomiilongo mbika ya vule oku kala taya adha omasindano momathigathano gopaigwana. Momutumba ngoka mwali aakalelipo yoongonga hangano dhiilongo yUumbugantu waAfrica omwa ningwa omatokolo ngoka kwa inekelwa ta ga vulu okuyambula po uudhano woAteletika miilongo mbika.

Omushangwahokololo ngoka gwa gandjwa kiikundaneki komupresitende gwo CAA Southern Region 5 Moses Bantsi ogwa ti omathigathano omape ota ga ka totwa miilongo ya yooloka yokUumbugantu opo aamatuki ya pewe omathigathano ogendji opo ya adhike ya pyokoka nawa sho uudhano wo paigwana tawu ke ya.

Okwa ti omathigathano omape ngoka ya tota po ota ga ka tameka kuyele mo 2018 na ota ga ka dhanenwa moZimbabwe, South Africa, Mauritius, Zambia na Botswana, na otawu ka kuthwa ombinga kaadhani yomimvo dhopevi naamboka yomimvo dhopombanda.
Zambia ota ka kala ena uudhano mbuka momasiku 24 Febuluali 2018, omanga South Africa ta ka landula ko mo 28 Maalitsa ye Mauritius ota ka kala nuudhano mbuka momasiku 8-9 ga Juni.

Zimbambwe na Botwana ina ya gandja natango kutya ota ya ka unganeka uudhano mbuka ethimbo lini.
Iilongo yUumbugantu oya ti oya hala omathigathano ngaka ga kale omanene na ota ga wapa okunana iilongo yilwe muuyuni opo yi kuthe ombinga opo yi pe aamatuki yokUumbugantu ompito yo ku kutha ombinga momathigathano omanene yo yi iyupike.

Bantsi okwa ti shika ota shi ke ya pa ethimbo lya gwana opo ya tothemo aamatuki mboka ta ya ka kalela iilongo yawo kuudhano ngaashi woCommon Wealth,African Championship, IAAF,no CAA African Senior Championship nosho tuu. Okwa ti monakuyiwa oya hala wo oku eta po omathigathano gopamuthika gwo Diamond League ngoka ta ga vulu oku nana aakwashilipaleki nosho wo TV.
“Ethimbo olya thika opo Uumbugantu wAfrika wu longe nuudhiginini moonkambadhala dhokuthika pamwe niigwana yilwe muuyuni ngele tashiya muudhano woatletika.

Mauritius oye ta ka unganeka uudhano woCross country mboka ta wu ka kalako momasiku gatatu ga Maalitsa momvula ta yiya, omanga South Africa ta ka kala nuudhano owo tuu mboka mo 2019.

Onkundana ndjika oya taambulwako nomaako agehe kaakwateli komeho yomawudhano oyendji, Methew Johannes oye gumwe gwo mwaamboka ye hole uudhano wo Ateletika moshilongo na okwa ti aadhani yaAfrica mboka ihaya kala kondje yomafuta nena oyena ompito yokukala ta ya iyutha momagulu nomathigathano ngaka opo sho omathigathano omanene guuyuni ta ga ka thika nena oye na otseyo ya gwana. Okwa ti aadhani yetu oya kala ethimbo ele ha ya li wa okapondamusita onkene ethimbo olya thikana opo ya kale ye na omaudhano gayooloka moka taya kuthombinga.

LEAVE A REPLY

Please enter your comment!
Please enter your name here