Amerika a eta ovanawino moikwashi noifitukuti

0
36

Komutoolinghundana

WINDHOEK-Oshikondo sheameno moEmbassy yAmerica opamwe noshikondo sheameno leeshi noikwafuka mombelewa omo tuu omo, omafiku aa ova ninga oshoongalele nopolifi yaNamibia (Nampol) noombushe moilonga moNamibia, va kundafana shinasha noumbudi woinamwenyo noku i pitifa eengaba shihe li paveta.

Ovapolifi ovo vali momutumba omu, ovovo vokeembelewa dopaitukulwa ngaashi koKamanjab, Rundu, noKatima Mulilo.
Oo a li omupopi a fimana wefiku, oye omunawino, e na eshiivo leedula 20 momakonaakono omalandifo omamwangha , oyo ovalandifi veheli paveta hava landifa onyango yayo, noitukulwa imwe oyo hai landifwa momalandifilo mounyuni.

Omunawino ou, okwa yandja oiholelwa yomoAmerica oyo yeli fa naayo yeemhinda neendjaba odo da ninga oihakanwa youmbudi woinamwenyo yomoixwa moNamibia. OvaAmerica ova yandja yoo oshihopaenenwa shoshikwashi shedina eel osho sha vakelwe moAmerica ndele tashi twalwa koilongo yaAsia oko paife oeela ya hapupala noili ongeshefa tai tekula ounyuni.

Omunawino mukwao, eli moEmbasy yAmerica mo Gaborone shaBotswana ye okwa ti otaka kala ta yandje omakwafo opashivonawa nomakonaakono oumbudi woinamwenyo okudja moshilongo shimwe oku ya moshikwao moAfrica lokoumbuwanhu.

“Opologalama ei, oili onghatu yotete noya fimana melongelo kumwe loNampol noshikondo shokulwifa oimbuluma youmbudi woifitukuti moNamibia, shaashi Namibia okwa ulika elitulomo liwa mekondjifo loimbuluma yoludi eli,” osho umwe womovanawino a ti.

LEAVE A REPLY

Please enter your comment!
Please enter your name here