Bulelo iilongekidhila okudhenga Max Iipinge muudhano wawo

0
44

Shipi Elago

ONGWEDIVA-Omudhengingonyo a tseyika nawa koyendji miitopolwa yokoNooli Hendison Nghipondoka okwa ti okwi ilongekidha nawa okukondja na Max Iipinge Olyomakaya ndjika okuzilila poCountry Club moVenduka.

Bulelo okwa li a ningi omadhewo ge ga hugunina nuudhano pokati ke na Julius Sheefeni opamwe na Michael Benhard mOshakati ehuliloshiwike lya zi ko.

Bulelo ngoka a li ta monika a nika oshiponga okwa li a tula aadhengi ngonyo mbaka yaali koongodhi nando naye okwa li ta ningi ipopila to lika kombinga yimwe.

Pethimbo a li moonkuthana naKundana Bulelo okwa holola kutya omukondithi gwe Max oku mu shi nawa na okua nika oshiponga na okuna ontseyo emu vule.

“Max Iipinge okwa kala muudhano mbuka ethimbo ele ashike shika ha sho shi tilitha omuntu oshoka otandi ka kambadhala okusindana po uudhano mbuka oshoka esindano otali ka patulula omiyelo dha ndje dhoku dhanena omapaya gopashigwana nosho wo gopauyuni,”Bulelo ta ti.

Okwa ti okushishi kutya Max ota ka kala e mu dhina lyo olyo nee epuko ta li ke mu dhengitha kungame ndyoka oshoka ngele owa dhina nena iho igamene we onkene ngele okwa ndopa nokwi igamena nena ote ki iyadha pevi.
Bulelo ngoka e li ngashiingeyi pomimvo 34 oyendji oyu uvite kutya okwa tameka uudhano mbuka kwa toka nongele ina kotoka Max ote ke mu latha uupuka.

Uudhano mbuka otawu kalako Olyomakaya ndjika poshinyanga sho Country Club onkene Bulelo ota hiya aayambidhidhi ye koombinga adhihe opo ya ye koCountry Club ngula ya katale sho ta kandula po endangalati mondjila.

Kakele ka Bulelo na Max aaNamibia otaya ka pewa okili kuyele nuumvo sho aadhani yatatu aanene taya ka mbokisa wo poCountry Club, uudhano uunene otawu ka kala pokati kaSakaria Lukas “Desert Storm” na Dithebe Tello gwaSouth Africa ngoka eli enyakwa moshiviha sho Featherweight Pan Africa, omanga Lukas ota ka gamenena po epaya lye lyoWBO Featherweight.
Jeremiah Nakathila otaya ka lwila epaya lyoWBO na Sibosiso Zingange gwaSouth Africa muudhano mboka wa tegelelwa wu ka kale ita wu nuwa omeya..

Harry Simon Junior naye wo ota ka ya mondambo ongula sho e li mondjila yoku galula oshitalenti sha he Harry Simon ngoka a li omumbokisi dhingi kaakuna we moNamibia.

Uudhano mboka wa lukilwa Lukas na otawu ithanwa “Desert Storm in Action” owa tegelelwa wu kapateko kokaliindeli koBokisa koSunshine komumvo nguka.

Uutekete ota wu monika poComputickets, Antonio`s Art Shop mepandaanda lyaPost Street Mall omanga wumwe tawu adhika koombonge dha Mtc Nestor Sunshine moVenduka.
Ota ku tiwa uutekete wakwaalukehe otawu kosho ooN$ 200, omanga wopiipundi yopombanda tawu ka kosha N$ 10 000 moshitaafula.

LEAVE A REPLY

Please enter your comment!
Please enter your name here