Demi-Leigh Nel-Peters Miss Universe 2018 oye lye

0
29

Omukadhona omuSouth Africa oye a sindana oshishani shuMiss Universe nuumvo.
Demi-Leigh Nel-Peters, ngoka opo a pelwe onkatu yontseyo mewiliko lyongeshefa okwa pewa oshishani shoka Osoondaha ya yi moLasVegas. Miss Colombia Laura Gonzalez oye e mu landula pehala etiyali omanga Miss Jamaica Davina Bennett oye e ya pehala etitatu methigathan ndyoka lya ningilwa moshinyanga shaAxis mehala lyomainyanyudhilo gaPlanet Hollywood mo Las Vegas Strip.

Ndika olyo lya li ethigthano lya kindja kwaana we mondjokonona yalyo yomimvo odhindji molwashoka aakuthimbinga oya li oyendji.
Aakadhona ayehe kumwe, 92 oya li taya kongo okusindana oshikoloni nenge oshishani shoka nuumvo.
Omunamimvo 22 Nel-Peters, otaka pewa ondjambi omumvo aguhe, na ota kala a edhililwa megumbo momatungo omale moshitopolwa shaanenentu moNew York omumvo aguhe gwo 2018. Ota ka pewa wo omapandulo galwe.

Nel-Peters okwa kutha oshishani oku za kuIris Mittenaere omvalele yaFrance, ndjoka ya sindanene oshikoloni shika methigathano lyomumvo gwayi moPhilippines.

Aakuthimbinga yalwe oya ende taya holwamo konima yomauliko guuhema wokuyoga nawo noshowo konima yoku ulika iizalomwa yokongulohi nomapulo oku za kaa panguli/aagandji yiitsa. Omusindani gwepapa lyo Grammy-Award Fergie okwa li a imbi eimbilo lye epe lya za moalbuma “A Little Work” omanga aakuthimbinga 10 taya ulike oohema dhawo ndhoka dha tsa sigo opoonyugu.
Maakuthimbinga omwa kuthwa yamwe e ta pu thigala ashike ngoka a za koSouth Africa, Thailand, Venezuela, Jamaica naColombia. Nel-Peters okwa pelwe onkatu oku za ko yUnivesiti yaNorth West na ota dhiladhila okulongitha oshishani she okukwatha aakiintu ya vule oku igamena yoyene.

Ondjokonona ye mwene otayi leshwa ngeyi “Omukumo, Demi-Leigh okwe gu pewa komumwahe gomukadhona ngoka ena uulema, ngoka a kala mo Potchefstroom pamwe na yina gokulipo oshowo he. Pethimbo ndyoka Demi-Leigh okuhole opolohalama ndjok a eta po okukwatha aakiintu yi igamene yoyene moonkalo dha yooloka.

Okwa dhiladhila okugandja iigongi ilonga okukwatha aakiintu oyendji ngaashi te shi vulu. “ Pethimbo lyethigathano, Nel-Peters okwa ti einekelo mwene lye owo uukwatya uuwanawa, a ti Miss Universe omukiintu ngoka a pita momaumbanda ogendji.

LEAVE A REPLY

Please enter your comment!
Please enter your name here