A fiwa pomutenya kondalu

0
196

Tuulikki Abraham

LüDERITZ-Oshiponga shomundilo osha halakanifa po, omaliko aeshe mwakwatelwa nomaufemba a Michael Johannes omunamido 31, molukanda laAmilema mo Lüderitz, oshivike sha djako.

Johannes ota hokolola kutya omutala waye owa langata po komundilo, oufiku wetivali la djako, ta hokolola kutya ke shii kutya omundilo owa etwa naana koshike. Yeemwene ota hokolola kutya, monduda ya ye iha longifa nande okalehita, omuna olusheno, mo monduda omo kamuna nande efiya lokuteleka, oha va teleke, mobashu yameme waye oo veli naye moluumbo limwe.

Johannes ota hokolola kutya oshiponga shomundilo eshi sha holoka yee okwa hangika aya kukaume kaye aka talelela po, lwopo tundi 19h00 efiku tuu olo, naashi aka alukila komutala waye lwopo tundi 11h00 lwaapo okwa hanga ashike engungo lovanhu, nomwifi tau di momutalala waye, ovanhu va mana nale okudima omundilo. “Ondali nda haluka neenghono, eshi nduya ponduda yange, ondiwete ashike engungo lovanhu, naashi nda ka mona kutya onduda yange ya pyapo, onda kwatwa ke ngwangwaano, nokulipula kutya, oshike mbela sha eta omundilo, elipulo olo ondilina momadiilaadilo, kutya oshike sha eta omundilo u halakanife po omaliko ange, nomaufemba ange?”
Johannes osho a hokolola. Johannes ota hokolola kutya, eshi adja mo monduda yaye kakwali afiya a patapo, shaashi okwafiya ngaa ovamati vaambulavo veli mobashu yameme waye yee te va lekele ngaa kutya, okwa pitamo itaa kala ko. Okonima ashike youle wovili, ava veli mobashu ya ina ya Johannes, oveudite ashike ovanhu tava kupula omamanya kombada yobashu ya Johannes. Naashi vapita vaye pondje, ove wete ashike omundilo taudi mobashu ya Johannes.

Ovashiinda ova endelelela okudima omundilo, nomundilo inau dula nande okukwata eebashu odo dili popepi.
Johannes ota ti omwapila ombete yaye yokunangala, oTV, o Lap Top, oskopa, omaufemba aye, noidjalomwa yaye nomakumbafa, ota ti okwa hupapo ashike noidjalomwa oyo a hangika a djala.

LEAVE A REPLY

Please enter your comment!
Please enter your name here