Henry omuwa gotango ta hokana omuluudhe konima yomimvo 250

0
462

Omutoolinkundana

Windhoek-Omunagokombanda mezimo lyaawa yaBritania Omukombanda Henry, nenge ngoka a tseyika noshilukadhina Harry molwaashoka Omukombanda Henry aluhe oha ithanwa oshilukadhina shoka Harry, ota ka kala gwotango gwomezimo lyooshimbungu yokoBritania taka hokana omukiintu omuluudhe konima yomimvo omathele ogendji ga pita po. Omunamimvo 32 Harry oshiwike shika okwa tseiyitha kutya otaka yaleka omukiimtu omudhani gwoofilima omuluudhe Meghan Markle, ngoka a valwa kuhe Thomas Markle omuHolanda omupangeli gwiikwamashina na yina omukiintu OmuAfrika omuluudhe gwedhina Doria Ragland. Omahewa ngaka oga tsakanene lwotango sho ga tseyathanithwa kukuume kawo moLondon mo 2016, okuza mpoka mbaka yaali oya ka ya mefudho pamwe koBotswana. “Onde shi pondola oku mu itaalitha opo eye kungame koBotswana” omukombanda a ti. “Na otwa tyapula okukala kwetu moBotswana hatulala pondje kohi yoonyothi. Okwe ya nokwe ya kungame uule womasiku gatano nefudho lyetu olyali ewanawa.” Pandjokonona Harry otaka enda moompadhi dha hekululululwa omukwaniilwa George III, ngoka a hokanene omukiintu omuluudhe omimvo omathele 250 dha piti po. Mo 1761 Omukwaniilwa George III okwa hokanene Charlotte, omukadhona gwomimvo 17 ngoka a valwa mezimo lyooniipindi iihupi yokoPutu aaluudhe. Pandjokonona Omukwaniilwa omuPutu Alfonso III methelemumvo 13 okwa li e na ekwatathano nomukadhona gwaGavena gwokandoolopa okashona kaantu aaluudhe. Omukwaniilwa Alfonso okwa pula kutya na pewe omwanakadhona gwa Gavena ongo ondjambi molwokuyugako oshilando shoka. Omukadhona nguka, Ouruana, okwa valele Alfonso aanona oyendji yiilatu mboka ya ka foloma po noku ninga oshitopolwa shomambungu mezimo lyooshimbungu yakaPutu, mbaka oya ka hokana aawa yalwe noshowo aantu aaluudhe. Omunyekadhi Charlotte okwa valwa kaatekulu ya Ouruana na Charlotte okwa li oshilatu ano omuluudhe gwoshipa oshiyedhi ena omafufu giigonya ndele inaga ukilila ngaashi giilumbu. Opena oshinima shimwe shi kumitha mekwatathano ndika. Omuyalekwa gwaHarry, Markle okwa henga po omulumentu gwe gwotango. Ihe nando ongaaka Henry okwa pewa epitikilo kuyinakulu Queen Elizabeth II okuhokana omuyalekwa gwe ngoka. Omuwa kehe ngoka e li maawa mboka taya vulu okulandula omukwaniilwa muBritania oku na oku pitikwa a hokane omuyalekwa gwe okuza komukwaniilwa kutya omulumentu nenge omukiintu.

Momumvo 1972 hekulululwa yaHarry, Omukwaniilwa Edward VIII (omutihetatu) okwa zile koshipundi shuukwaniilwa opo a vule okuhokana omukiintu omuAmerika a hengwa. Ka sha li sha pitikwa omuwa a hokane omukiintu a hengwa unene aantu mboka yaashi aawa nenge yaashi aakwashigwana ya Britania.

Pethimbo ndika iinima oya lunduluka, oveta yaBritania yuuthike pamwe mondjokana yomumvo 2013 otayi ti omuwa ota vulu okuhokana omuntu kehe ngoka a hala kutya nee pamwe omulumentu omukwawo nenge omukiintu omukwawo, omanga moveta yokulandula Aawa oya li tayi utha kutya omuwa mezimo lyaakwaniilwa yaBritania kaya li yu uthwa ya hokane omuKatoolika nenge omuntu keena ombinzi yaawa nenge omvalekele oshinima shoka kwali itaashi vulu okudhiladhilwa.

Ngashingeyi opena iilonga kutya aatekulululwa mbaka yOmukwaniilwa Elizabeth otaya kala haya ithanwa aashike, shila ongele yinakululwa a gandja eigidho lya shewa. Ngele hasho aanona mboka itaya kala aakombanda, na otashi vulika yaa ka mone wo uuthiga nomasimano gaawa moshilongo shoohe. Ayihe mbika tayi ka ningwa ashike molwashoka Markle keshi gwomezimo lyaawa, nenge omunedhina Omubritania.

LEAVE A REPLY

Please enter your comment!
Please enter your name here