Onkalo yombepo nomahupilo ta ga shongola uupyakadhi

0
52

Omutoolinkundana

Onkalo yombepo yaa li nawa nehunyamo momahupilo muuyuni oyo iiyeti ya simana monkalo yokwaana oondya dha gwana nenge ya nayipika onkalo yiikulya ya gwana muAfrika kohi yombuga yaSahara.

Onkalo ndjika oya hokololwa kehangano lyIikulya Muuyuni, FAO, ndyoka li li oshitayi shIigwana Hangano, omwedhi gwa yi.
Pahokololo lya FAO lyonuumvo kombinga yoshitopolwa shAfrika moshinima shegameno lyiikulya, onkalo yondjala oya londo pombanda sigo opoopelesenda 22,7 okuza poopelesneda 20,8 pokati komimvo 2015 no 2016. Onkalo ndjika oya hala okutya aanyu niigwana ya gumwa koshinima shika oya pumbwa okukala yi itula mo moku konga ondjila yankene taya kondopeke ekalepo lyiikulya miilongo yawo.

“Omwaalu gwaantu inaa ya palukaa nawa ogwa uka pombanda okuza paantu oomilioa 200 okuya poomilliona 224, nguka ogu lile po oopelesenda 25 dhaantu oomilliona 815 muuyuni mboka inaa ya kuta nenge inaa ya paluka nawa muuyuni pamiyalu dhomumvo 2016,” omukwatheli wiliki gwaFAO nomukaleli po gwa Afrika kehangano ndika Bukar Tijani. Onushangwa kohi yoshipalanyolo tashi tala kuupyakadhi womaipumomumwe, ogwa tseyithwa nokutulwa poshitaafula moshigongi shuukumwe pokati ka FAO /WHO osha li ko moAbidjan omwedhi gwayi. “Iiyeti yonkalo ndjika yondjala oyindji., ngaashi enenepalo momwaalu gwaantu mboka inaa ya kuta nawa. Oshikwawo aantu mboka ya pumbwa iikulya oya tsakanekwa konkalo moka ye na uudhigu oku adha nenge okumona oondya dha gwana. Oshiimbi oshikwawo ooshoka shonkalo yomaipumomumwe oshowo onkalo omwinayi yombepo. Mbika oya hwameke enenepalo lyokwaana oondya menenevi ndika” Tijani a fatulula. Olopota oya ti omimvo omulongo dhotango dheyovimimvo ndika Afrika kuumbugantu wombuga yaSahara okwa yi komeho moku kondjitha ondjala nuusindjala, mboka wa shunithwa monima okuza poopelesenda 29,1 okuya ppopelesenda 20,6.

Ihe omimvo dha ka landula ko odha ulike pwaahena eyokomeho lya sha, nomiilongo yimwe onkalo oya nayipala okuza mo 2015 sigo 2016. Eshunomonima ndika olya etwa komaipumomumwe nokonkalombepo yaa li naw nawa ngaashi omaluteni ga landulathana ogendji ga etwa kuukwatya mbepo hawu ithanwa EL Nino,naashika osha fala meteyo enkundi oshowo ekanitho lyiimuna.

MuAfrika kohi yombuga yaSahara onkalo yuusindjala okonyala yi mbalipale yi thike pwaandjoka yili miitopolwa muna omakuyunguto nomaipumomumwe, naashika ohashi fala meindjipalo lyonkalo moka iikulya ya ninga iishona. Momumvo 2016, oyendji yomaantu oomiliona nenge 489 gomaantu oomilliona 815 yaa mboka ya sondjala oyendji oye li miilongo mbyoka tayi kondjitha omaipumomumwe nelongitho lyoonkondo.

FAO okwa gandja omathaneko ga nkene taku vulu oku adhika egameno lyopaikulya nonkalamwenyo ohwepo, mokukwathela opo iilongo yi kale ya kola mokukondjitha omakuyunguto, moku eta po ombili tayi kalele shika osha kwatela mo eidhopo mo lyonkuvu odhindji okuza petameko lyomakuyunguto oshowo sho ngaka ga hulu po.

Omushangwa ogwa popi wo kutya iilongo ingapi ya tula po nenge yi ipyakidhila noku tua po omilandu nomathaneko gokukondjitha ondjala nuusindjala ngaashi shali sha uvathanwa moMalabo 2014 okughulitha po ondjala okuya momumvo 2025.

LEAVE A REPLY

Please enter your comment!
Please enter your name here