Oshikefa-yambididi shaMeya sha pewa oshimaliwa

0
50

Tuulikki Abraham

LüDERITZ-Oshikefa yambidido shaMeya waLüderitz, hashi ifanwa Lüderitz Mayoral Trust Fund osha ongele oshimaliwa N$355 000, mouvalelo weongelo loshimaliwa oo wali ko moNest Hotel pehovelo lohani ei. Pefimbo louvalelo weongelo loshimaliwa, okwa shiivifwa oo ta kala kaume koLüderitz Mayoral Trust Fund. Kaume koshikefa eshi oule weedula nhatu tadi uya oye, Omunambelewa omukulunhupitifi mehangano lokuyula eeshi Seaflower, Mike Nghipunya. Nghipunya efiku tuu olo a shiivifilwa ovo vali va ongala, okwa tambulako oshinakuwanifwa shaye, okukala oPatron yo Lüderitz Mayoral Trust Fund, oule weedula nhatu. Okwa pewa eshongo eli molwoilonga ya ye oo ye shi ulika kutya otadulu okuyambula po, oshikefa osho oule weedula odo takala eli kaume kasho.

Onguloshi oyoo tuu oyo youvalelo weongelo loshimaliwa, Nghipunya okwe shi pondola, okwoongela oshimaliwa shakonda N$200 000, pa makwatafano oo a ninga nookaume kaye vovanangeshefa, osho sha etifa, opo ku dule oku hangwa omwaalu N$355 000, mouvalelo oo tuu oo.
Oshikefa shoLüderitz Mayoral Trust Fund osha totwa po modula 2001, nelalakano okuxwepopeka eenghalo daavo vapumbwa ekwafo modoolopa yomoumbuwanhu ninginino. Oshikefa eshi osha vatela mo kwaalula ondjelo ya Emerencia Matroos, eshi a kwafelwa oshimaliwa N$83 000, aka mone etando noku tetwa oshitumbuka osho shali sha tumba moshipala shaye. Etando ola ningilwa moshipangelo sha Katoolika moWindhoek mu Kotoba 2015.

Oshikefa osho tuu eshi osha vatela yo omunafikola Robenson Ishitile a dule oku ke lihonga koshiputudilo shoNamibia Institute of Welding ko Swakopmund, noshimaliwa shooN$21 000.

Minista wokukondjifa oluhepo, nonghalo nawa Bishop Zephania Kameeta pefimbo ta popifa ovo vali va ongala pouvalelo weongelo loshimaliwa, okwa pandula kee nghedabala odo tadi ningwa kelelo lodoolopa ya Lüderitz, mokuxwepopeka eenghalo daavo vapumbwa ekwafo modoolopa.

Captions: Omunambelewa omukulunhu pitifi woSeaflower Group nokuli oPatron yoLüderitz Mayoral Trust Fund, Mike Nghipunya pefimbo louvalelo weongelo loshimaliwa, moNest Hotel.

LEAVE A REPLY

Please enter your comment!
Please enter your name here