Oudano wokombada yomeva metifa moLüderitz

0
19

Tuulikki Abraham

LüDERITZ-Oudano oo hau danaukwa kombada yomeva (Speed Challenge) oo wa hovelela okudanenwa modoolopa yokomunghulofuta oule weedula omuwoi da ka pita, noneudo owa hovelela nota u ka manifwa oshivike tashi uya.

Oukwatya wonghaloyomhepo oyo hai fundula modoolopa ya Lüderitz, owa hokiwa koiwana mounyuni, oyo ya tokola okukala hai ya okudana oudano wokombada yomeva odula keshe efimbo eli.

Oudano ou hau ufanwa Lüderitz Speed Challenge, owa hovela okudanenwa modoolopa ei modula 2007.
Odula ya ya oudano ou ina u danwa, omolwa ovaunganeki, inaa va dula oku u longekida.
Neudo, oudano owa unganekwa kuRaffaello Gardelli oshoyo Mark Grinnell.

Oiwana 10 lwaapo oya teelelwa i ye koudano wokombada yomeva moLuderitz neudo.
Omuunganeki woudano ou Raffaello Gardelli okwa tumbula kutya fiyo opapa oudano otau ende nawa, novakufimbinga otava tyapula omafindano avo.

Ovadani ohava dana she likolelela koukwatya wonghalo yomhepo, onghene ohava kala tava tale momalungula noku lesha oukwatya wonghalo yomhepo kutya otaifundula naini, opo omhepo idule oku undula omakufi kufi voo va dule oku hanga omafindano, a shambula.
Ovadani ovadja koilongo ngaashi, Namibia, South Africa, France, Japan , Germany, Great Britain, Sweden, Norway, Switzerland, Italy na Holland.

LEAVE A REPLY

Please enter your comment!
Please enter your name here