Robert Mugabe ‘oku uvite nawa’ nando a kuthwa mombelewa kekuni – omutekulu gwe a ti

0
292

Omutekulu gwOmupresidente Robert Mugabe ngoka a kuthwa oshipundi shuuwiliki okwa ti hekulu oku na ondjuulukwe okutameka onkalamwenyo ye ompe konima yoku kuthwa miilonga. Omupresidente nale gwaZimbabwe Robert Mugabe “oku uvite enyanyu nonando a tidhwa miilonga,” pahapu dhomutekulu. Leo Mugabe okwa ti hekulu omunamimvo 93 ngoka a wilike-oshilongo shoka oku za kemanguluko lyasho muukoloni wa Britania mo 1980 okwa ulike e li nawa kombinga yonakuyiwa ye.

Omwanamati gwa Sabina omumwayinakadhona gwaMugabe okwa ti: “Okuli nawa onda yile oku ke mu talela po, okwa panda lela.” “Ye mwene okwa yuulukwa okutameka onkalamwenyo ye ompe yokufaalama noku kala megumbo lyokomukunda. Okwe shi taambako nawa” Ina popya ko sha komahokololo kutya okwa pewa oshimaliwa shopenzela koomuma shooN$ 140 oomilliona ongo oshitopolwa shokumu hekaa a thigepo uuwiliki konima yokuwilika oshilongo she 37.

Leo okwa gwedha ko a ti omukulukadhi gwa hekulu Grace ngoka a li oye ta ningilwa nawa a landule omulume omanga aakwiita inaa ya idhopa mo mewiliko , okwa tala komathaneko ge gokutunga oyunivesiti okusimaneka edhina lyomulume. “Ombepo nenge onkalo ndjoka e na , oku li aluhe puye.Ye omuntu omukumithi. Okwa hala okutsikila okutunga oYUnivesiti ya Robert Mugabe, opo ya kale ye na shoka taya long,” Leo a ti. Omathaneko goku tunga oyunivesiti ndjoka ka ga li ga taambikwa nawa. Oshiputudhilo shika kwatengenekwa tashi kotha ooN$14 oobilliona osha thanekwa shi tungwe moMazowe ondoolopa yili ookilometa 20 okuza moHarare. Kombinga ye uvathano lyokuza miilonga oshifonkundana Zimbabwe Independent osha lopotele kutya Mugabe okwa pewa anuwa ooN$140 oomilliona koomuma, egameno opo kaa landulwe molwashoka ngiika a ninga omanga a li omuwiliki osho owo oka thelwa okukala nomaliko ge. Ota kala wo ta futwa ondjambi ye yokomwedhi, pautho lyekotampango, omanga omukulukadhi gwe otaka futwa etata lyondjambi ye ngele Mugabe okwa mana oondjenda
Kombinga yeuvatano nosho wo iimaliwa yeyo moshipundi shevululuko, omupopiliko gwa, Mr Mugabe ,George Charamba okwa ti okapakkete komupresidente ota ka uthwa koveta. Okwa ti okugamenwa opo kaa landulwe molwiilonga yuupresidente hoka ka kwali oshitopolwa shoonkundathana pokati kaMugabe naakwiita mboka ya li ye mu mangele megumbo uule wokathimbo. Mugabe okwa kuthwa koshipundi konima sho tidha omupevipresidente gwe Emmerson Mnangagwa.

Shika osha thiminike aakwiita yi idhopemo noku eta mo Mnangagwa ongo omulanduli gwaMugabe.
Atseyika oye Ongandu, omuwiliki gwa Zimbabwe omupe okwa gana kutya ota ka eta omalunduluko taga endele okuyambula po omahupilo goshilongo shoka mbala.

Okwa tanga wo Mugabe moshipopiwa shokutaamba iilonga e mu luku oye gumwe gwoohe yoshigwana shetu’.
Ihe aasimononi oye na uuhwenge kutya Mnangagwa –ngoka a lundilwa a li omuwiliki momadhipago gaantu ooyendji otashi vulu i vulika a kale wo kayamukulwa a fa ashikeOmuOm Mugabe.

LEAVE A REPLY

Please enter your comment!
Please enter your name here