Tate Buti ota tseyitha oalbum ye Opena

0
61

Pinehas Nakaziko

WINDHOEK-Omuimbi gwoongalo dhoKwiku ngoka a kala mehangano lyoku imba uule wethimbo ele, Teeleleni Mumbala, a tseyika nawa Tate Buti, ota ka tseyitha noku ulika oalbuma ye Opena pambelewa Etitano ndika poRamatex.

Ndjika oyo oalbuma yaTate Buti onti-14, ndjoka yakala noku inyenga nawa momapandaanda, okuza sho yali ya piti iiwike itatu ya piti.
Etseyitho ndika olyo limwe kwa tengenekwa tali ka kala lya dhenga mbanda, nota li ka etelela omainyanyudho ga kwata miiti, oshoka otapu ka kala aahikingalo mboka aanene moongalo ngaashi The Dogg, Gazza, Exit, PDK, osho wo Top Cheri.

Omuhikingalo ngoka a simana meni nopondje yoshilongo oha imbi oongalo dho House nokuli omuningi gwiikwelengendjo yoongalo a tseyika nawa onga Dj Style, naye otaka holoka petseyitho neuliko ndika, lyali li na okuningilwa po Penduka Lodge moGoreagab Dam, ashike olya li lya lundulululwa opo li ka ningilwe poRamatex molwa engathithi ndyoka omayovi, kwatengenekwa tali ka holoka.

Ayehe mboka taya ka holoka oya indilwa opo yakale ya zala oonguwo dhawo oontokele, oshoka shika otashi ka kala oshituhti neuliko limwe inaali monika mo nale moshilongo, molwa omainyanyudho ngoka ga longekidhwa nawa.

Oalbuma ya Tate Buti oyo ndjoka ya nyanyudha aapulakeni oyendji, noongalo ndhoka dha li itaadhi thigi omuntu a kuutumba ngaashi Meke Meke, No Beer, Opena noKoshushu, naandhika otadhi inyenge nawa konyala oshilongo ashihe.
Tate Buti okwa holokele moongalo oomvula odhindji dha piti, moka ali a tseyika nawa sho ali ha imbi nomumwaina kadhona gwedhina Janice.

Okwa li a shainwa kehangano lyoOmalaeti Music Production, hoka a kala noku ninga omaimbilo ge taga nyanyudha. Ngaashingeyi okuli ta imbi ku yemwene, niinima ayihe otayi monika yili pomahala.

LEAVE A REPLY

Please enter your comment!
Please enter your name here