Tu kondjitheni uukwamuhoko

0
23

AaNamibia otwa pumbwa okwi ulika tse yene tango ongo aaNamibia, noku yanda omidhi dhuukwamuhoko dhi koke nokukokelela. Omushangwahokololo gwOmbudsman ogwa hokolola dhoshili kutya opena uumbangi waaNamibia oyendji mboka yu uvite ya ningwa nayi omolwa omuhoko gwawo nenge omolwa olwaala lwoshipa shawo. Oshinima shoka kashi li mondjila. Oonkatu dha kuthwa pemanguluko okudhiminathanapo noku taambathana ongaaNamiba odhina okutulwa miilonga pwaana okuhenukwa.

Omushangwahokololo ogwa ulike kutya aaNamibia oyu uvite sha pumbiwa okupopya kutya yo oya za momuhoko guni shafa sha hala okutya omuhoko gwawo ogwo guli pombanda gu vule dha yalwe. Uukwamuhoko owa nyelevala unene pomahala giilonga , taku hokololwa kutya aagandji yiilonga yamwe anuwa ohaya hogolola okugandja iilonga kaantu yomuhoko gwontumba ogo aguke. Shoka osha puka noonkondo.
Uukwamuhoko owa nika oshiponga nenge owo omukithi tagu fala meso nowuna okuvudhwa mo moshigwana shetu. Ngaashi olopota ya ti, oongeleka noshigwana momikunda oye na oku kwata komeho okupalamena uukwamuhoko. Unene sho tuu otundji aaNamibia twa itaala meitaalo lyuuKriste. Onkene oshi li mondjila kutya ongelki oyina okutaandeleka elaka lyuukumwe, oyi na okuyanda oshinima shuukwamuhoko mokati kiilyo yayo. Moshigwana momikunda aanamukunda oye na okukwatathana noku koneka kutya tse atuhe aaNamibia tuli megumbo limwe hali ithanwa Namibia. Atuhe otuli mevi naantu yoshilongo shimwe hashi ithanwa Namibia. Olyo egumbo lyetu. Ndika kali shi egumbo lyomuhoko gumwe aguke. Onkene atuhe otuna okutsikila mokutyapula iilikolomwa yoshilongo shika.

LEAVE A REPLY

Please enter your comment!
Please enter your name here