Maestro a pititha oAlbuma ye ontiyali Being Me

0
26

Shipi Elago

Ongwediva-Omuhikingalo a tseyika nawa moongalo Maestro okwa li a tumu oAlbuma ye ontiyali momapandaanda oshiwike sha yi okupa aaNamibia iihikomwa mbyoka taya vulu okukala ta ya pulakene nokwi inyanyudha pethimbo lyomatango omanene.
Willem Iyambo “Maestro” okwa li a holola kutya edhina lyo albuma ye otali ulike nkene ye e na uupenda neitaalo miihikomwa ye.
“Omuntu kehe nakale oye tango a hokwa iihikomwa ye oshoka ngele ino shi ninga nena kapuna ngoka te ke shininga,” Maestro ta ti.
Oalbum oyi na iihikomwa kumwe 15 na okwa longela kumwe naahikingalo ngaashi Fishman,Tequila,Exit,Treckfo, Ukz, Kota Mbishi, G-Fabulous, no showo Anchux gwoAma daz Floor.

“Oalbuma ndjika oya yooloka koalbum yandje yotango oshoka muka iihikomwa oyindji ondi li mo tandi imbi okuyelekanitha noalbum onkwawo moka ndi li mo ashike ta ndi popi,” ta tsikile.

Okangalo kotango okena oshipalanyolo ta shi ti ayeye naa haka otaka opalele mboka ye li mohole oshoka omadalama gako niitya yako oya talala na otayi yuulukitha komaluhwa ga ziza.

Okangalo okatiya li oko hoka ya hika na Tequila nako wo okena iitya yohole noyombili nenyanyu na otaka monika kafa okizomba na ota ka tsu omukumo mboka ye li mohole opo ya kale ye li kumwe nando uuyuni owu kambadhale okuya topola.
“Okangalo hoka ndi hole moalubuma ndjika ohoka okatine moka nde ka hika ndatala kokakadhona okaAfrica hoka kashitikika na ngele otaka piti pokuma otaka teya omuntu othingo, okangalo haka okena okavideo na ohaka dhanwa olundji kooradio dhomizizimbe esiku nesiku,” Maestro ta ti.

Okangalo wo ta ka vulu okupwaakenwa pethimbo ndika oko hoka okatihamano koshipalanyolo inda konganda unene tuu mboka ye li momalweendo okuza kiitopolwa yi ili noyi ili ya thinda komagumbo haka oko nee okangalo mwa pumbwa okulilitha.
Mboka yehole mookalaba nomomahala giihikomwa okangalo oka 11 kedhina Sunrise oke mu nuninwa hoka twa hika na Tequila nokena ombepo yomatyapulo.

Okangalo kahugunina oka 15 okangalo koosa hoka eka hikila kuume ke kopothingo Adriano ngoka a li e hole okupulakena oongalo dhe omupya omunene okwa li a thigi po uuyuni mbuka omvula ya zi ko moshiponga shoshihauto okwa li shili gumwe gwomwaamboka ya li ya longo nuudhiginini oku eta oalbuma yandje yotango pondondo ombwaanawa.

LEAVE A REPLY

Please enter your comment!
Please enter your name here