Omufekelewa mekwatonkonga i ifutila mo

0
90

Loide Jason

ONGWEDIVA-Omulumentu ngoka a kala mondholongo mOnandjamba ta tamanekelwa ekwato nkonga lyomunonakadhona ngoka a valwa komukulukadhi gwe a pewa omboloha yili pamwe noondjindikila.

Omulumentu nguka okwali a pewa i ifutilemo nooN$2 000, ashike okwali a lombwelwa ka endeko kOkalongo nande omanga oshipotha she inaa shi pwa.

Okwa li wo a pewa opo a kale ha kwatathana nomukonaakoni gwoshipotha she uuna tazi mo momudhingoloko ngoka.
Oshipotha shika osha undulilwa komasiku 21 gaFebuluali omumvo twa taalela.

Omutamanekwa eshiwike nawa kuKundana okwa holoka ishewe mompangu ya mangistrate mOutapi moka ali a tula mo eindilo opo a vule i ifutile mo mondholongo.

Okwa yi mondholongo sho anuwa a kwata omunona gwomukadhona gwomimvo 17 koonkond moshikandjohogololo shaKalongo moshitopolwa shaMusati.

Naku ningilwa omuyonena okwa hokololele Kundana kuyele kutya okwa kala muudhigu wa he ngoka omimvo mbali dha piti.
Okwa li a hokolola kutya he ngoka a hokana yina ihe keshi ngoka emu vala okwa tameke tango te mu pe iikutu noku mu sila oshimpwiyu megumbo omanga inaa engena popepi naye noku mu thiminikila miihulo.

Okwa hokolele a ti megumbo omuna omunona gomumati omutekulu gomusamane ha sikola ko Ruacana.
“Okwa lombwele meme kutya okanona hoka otatu ka fala kosikola naye.

Meme okwa zimine na otwayi. Sho nduno twayi hoka otwa kala ko omasiku gaali tuli moLodge moka a futa ondunda eta lombwele ndje tu lale naye,”.

Nonande ondali nda tindi okwa ti ngele inandi hala nandi ye. ‘Otandi yi nee peni ngame mehala moka kandishi mo, ka ndi na oshimaliwa sho ku shuna. Ondi na ashike okulala nda hala inaandi hala,” osho okanona ka hokolola ngaaka nkene sha tameka okuya nahe miihulo.
Omunasikola nguka okwa lombwele Kundana woo kutya aniwa nonande okwa kala ta ilongo nuudhiginini okwa ka gwililwa po konkalo ndjoka shoka sha etitha nokuli nuumvo pefudho lya April a pitile koonyegenyege.

Okwa hokolola kutya pefudho lyAuguste okwa li a ndopa shoka ina nyanyukilwa omolwonkalo moka a li pethimbo ndyoka.

LEAVE A REPLY

Please enter your comment!
Please enter your name here