Anawino yomaudhano ya takela oYoung Chiefs omunwe

0
129

Oshakati

Onakuyiwa yosipana ndjoka ya kalela po iitopolwa yo koNooli moliha yoNPL Young Chiefs oyi li monkugo yi na onkambe konima sho ndjika natango ta yi tsikile niizemo ya nkundipala.

Sam Nekwaya ngoka e li omukwateli komeho gwoNFA mOshana okwa li a holola uukwawo wanankali opamwe nosipana ndjika ta ti ethimbo olya thika opo yi ilongele komapuko gomonakuziwa ngoka ya ninga, ngoka ga etitha opo yi kale yi na eembwayelo.
Sam ota indile opo elelo lyoYoung Chiefs li tedhaatedhe nawa lyo li galulile osheenditho sho Young Chiefs kopate.
Young Chiefs okwa li a tidha odhindji dhomoongudhi dhosipana ndhoka dha li dha humbata osipana ndjika oku za koliha yopevi no ku yi fala koliha yopombanda.

“Kashali ekandule po lyomukundu oku tidha aantu mbaka oshoka sho ka sha li shina elago na pamwe osho shi li tashi piyaganeke osipana. Ota indile opo aantu koombinga ne dhoNooli dhi imange kumwe noku yambidhidha osipana ndjika .
Ota indile elelo lyoYoung Chiefs li hiye aanawino yomaudhano opo, yo ya ninge omutumba gwopaulumompumbwe ku talike kutya oshikumungu shika ota shi tulwa pokati ngiini ko ku keelelwe ekano lyomaudhano ndyoka tali ka guma aantu oyendji ye hole omaudhano moNooli.
Okwa gandja oshiholelwa shoosipana dho koRundu ndhoka hadhi longele kumwe kaa kuna we na kehe omumvo odhina osipana yi li moliha ya NPL ta ti ngele oosipana dho koNooli odha tula po ombepo yuungame nena oNooli otayi vulu yi ninge ehala lyokatanga kokoompadhi oshoka otuna iitopolwa oyindji yo oyi na aadhani aawanawa ashike oye na nga uupyakadhi mboka wa pumbwa oku vudhwa mo lyo etanga li ye komeho.

“Eeno shili etanga olya ninga ethimbo lya tula mo ongela yo konima onkene pamwe aadhani yoYoung Chiefs natango oya kwatwa ngaa komazane ashike oya pumbwa okuninga po sha manga omeya inaa ge ya mondunda,”sam ta holola omayiyuvo ge.
Omudheuli omukulu ngoka a kala popepi naYoung Chiefs oomvula dha konda pu hamano Damian Shuumbwa naangoka e li wo omutoloki gwuudhano moradio yOshiwambo moshitaasi shaNBC, naye okwa li a holola okuuva nayi kwe konkalo yosipana ndjika.
“Young Chiefs okwa pumbwa oku ninga omalunduluko ga kwata miiti opo a galukile momufolomo ngoka twa kala tu mu shile oku za petameko oshoka monkalo moka e li ota yi tu litha omutse kepepe, na ota shi lilitha unene tu kwaamboka twa kala posipana ndjika ethimbo ele,”Shuumbwa ta ti.

Okwa ti aadhani yoYoung Chiefs ngashingeyi oye li moshidhungwe na otashi vulika ye li monkalo moka ya pumbwa ehungomwenyo lyo pa maudhano onkene omitse dha Young Chiefs na dhi ithane omunawino a za pondje opo eye a popye naadhani noku ya kumika.
Ta ti ekanitho lyiitsa nedhengo lya meme yakukwe ndyoka ta li ningilwa Young Chiefs meni nopondje olya etela aadhani uupyakadhi wopamadhilaadhilo mboka ha wu shitukile muumbanda uuna ta ya yi momaudhano na ngele omudhani ota dhana ena uumbanda nena owa tegelela a ninge omapuko giigalala ngoka ta ga vulu oku etela osipana.
Omuhungimwenyo nguka na popye kondandalunde nkene osipana yi li ya simana kodoolopa yaShakati nosho wo iitopolwa ayihe yo koNooli nonakuyiwa yokatanga moNooli.

Shuumbwa okwa ti oya pumbwa wo oku kala ye na aatseyinawa yokatanga ye li ya hamano mboka ta ya kala haya ende nosipana moka yatatu ta yakala ye li mpoka hapu kuutumba aadhani mokapale omanga yatatu ta yakala mongundu yaatali ano kepabliuna.
Ta ti mbaka yahamano oyena oshinakugwanithwa sho ku tala uupuko awuhe mboka osipana ta yi ningi no ku wu ningila oompangela nkene wu na okukandulwa po.

Ngashiingeyhi Young Chiefs okwa dhana omaudhano 12 gomomaudhano 15 ihe ina likola nando oshitsa shimwe na okwa dhana shithike pamwe lutano okuna iitsa itano peha lyiitsa 36 oshoka kehe uudhano to sindana ohawu ku pe iitsa itatu.
Ehuliloshiwike ndika Young Chiefs okwa taalela olugodhi olulu sho te kiikwata noosipana dhomoshilandopangelo Citizen na Tura Magic ndhoka dhi li mo mu folomo omwaanawa ngashiingeyi.

LEAVE A REPLY

Please enter your comment!
Please enter your name here