Meya waLüdertitz a ninga oshilyo shongudu – mutima moSwapo

0
156

Tuulikki Abraham
Lüderitz

Omupedu Meya waLüderitz Brigitte Fredrick, okwa halela Meya wodoolopa oyo enangeko noupuna eshi a pita , momahoololo oo ali ko pehulilo lohani Novemba, nokwa ninga oshilyo shongudumutima yoSwapo.

Frederick, okwa halela Mukapuli omayambeko, omafiku aa, konima ashike eshi va hoololululwa, noku anifilwa moilonga yavo, onga ovakwatelikomesho melelo laLüderitz.

Kombinga yokuninga oshilyo shipe shonguduMutima yo Swapo Party,, Mukapuli okwa tumbula kutya, okwa hafa neenghono moku mona omhito ei, nonande kakwali eiteelela, ashike okwa udaneka ta ka longa noudiinini, koinakuwanifwa oyo te ke lineekelelwa.
Mukapuli okwa tumbula kutya moshitopolwa sha //Karas ovali vadjamo veli vanhe, ashike ovo va yaukamo momahoololo oveli ashike vavali, omo yee a kwatelwa mo.

Mukapuli okwa tumbula kutya, yee paife okwa ninga ngaa nee, omupiya woshiwana, moku wanifa po oilonga aishe ei yopavali, okukala Meya woLüderitz omo eli a hoololululwa, a kale omunashipundi welelo lodoolopa ya Lüderitz, nokukala yoo oshilyo shipe shongudumutima wongudu yoSwapo .

Kombinga yelelo lodoolopa ya Lüderitz, Mukapuli okwa tumbula kutya, odula yo 2017, ovashakaneka omashongo mahapu, mwakwatelwa nomhumbwe yoshimaliwa.

Ta tumbula kutya, okashona oko va topolelwa okudja kouMinisteli wavo, oveka longifa mokutunga etungo la Kadimamundilo, oshoyo okutula oteya ondjila youle wo Kilometa imwe, okudja pofikola po Diaz Primary School.
Mukapuli okwa udaneke, yee opamwe novaleli aveshe melelo lodoolopa ya Lüderitz, kutya, otava ka longa noudiinini, modula oyo twa finda 2018 moku ka yandja omayakulo ongushu kovakalimo vomodoolopa ya Lüderitz.

LEAVE A REPLY

Please enter your comment!
Please enter your name here