Oliha mOshana ya mwenekwa molwiifendela

0
56

Shipi Elago
Oshakati

Oliha yoSecond Division yaShana ndjoka ya adhika yi li komuzimbukilo oya kankamekwa manga opo oosipana dhi fale oompale dha dho ndhoka inaa dhi futwa uule wethimbo.

Omukwateli komeho gwoliha ndjika Sam Nekwaya okwa li a holola nkene ye li meshongo enene oshoka oshimaliwa sho ku unganeka omaudhano noku ninga iinyangadhalwa yesiku moliha ndjika otashi ende ta shi kanda omapunya na osha ninga onkalamwenyo yaamboka taya wilike omaudhano ondhigu noonkondo.

“Onkalo ndjika oya li oyo ya thiminike elelo opo li kaleke uudhano mbuka pakathimbo omanga oosipana tadhi ende okayenda nampadhi noku futa iifendela yadho ngaashi naanaa oveta yokatanga kokoompadhi ta yi ti,” Sam tati.
Okwa ti oosipana na dhi ninge shishaki shandjila dhuuka koombelewa dhaNFA mOshana opo dhi ka gwanithe po shoka ta shi pulwa na opo ashike oliha ta yi vulu okutameka .

Oliha ndjika oyi na ko ashike omadhingoloko gatatu na kehe osipana oya tegelelwa opo yi kafute omwaalu gwoodola 4300 ndhoka odho dha uthwa kelelo lyoliha ndjika.

Osipana yo Golden Bigs oyo ta yi nana okatemba koliha ndjika sho yi li komeho niitsa 45, ta yi landulwa kuKhuse FC ngoka ena iitsa 40 omanga Young Brave oye te etelele okano moliha ndjika na oku li mo ka kololo ko kugwa mo moliha ndjika.
Oliha ndika oyo yi li osheelo shokupitila oosipana ndhoka tadhi yi koliha ontiyali yotango moshilongo na oosipana dhoka ha dhi gumo oha dhi thindikilwa koliha yokuushayi kOmaalala ndjoka oyo oliha yopevi lela.

Sho oliha ndjika ta yi ka thika pehuulilo ota ku ka tegelelwa oosipana dhi li mbali dhi ka gwe mo omanga oosipana mbali oompe tadhi ka taambelwa mo okuza koliha yo kOmaalala.

Sam Nekwaya okwa ti onga ehangano hali lele okatanga mOshana oye li yu uvite uukwawo wanakali noosipaana molwa onkala katenya ndjoka yi li moshilongo , ashike okwa ti oyena wo oshinakugwanithwa shoku gamena okatanga kokoomapdhi nosho wo omisindalandu dha ko.

LEAVE A REPLY

Please enter your comment!
Please enter your name here