Omutekuli gwiikwamawawa ota ka gandja ootundi oshali

0
146

Loide Jason

Omunafaalama ngoka ha tekula iikwamawawa, moshitopolwa shaMusati mondoolopa yaOutapi okwa thaneka a tameke ookudheula aakwashigwana nkene ye na okutekula iikwamawawa.
David Natangwe pethimbo ndika oha tekula iimote, oondjuhwa dhOkongolo noshowo oondjuhwa dhOshiwambo.
Okwa hokolola kutya ngashingeyi okwa mona kutya aakwashigwana oyendji oyi inekela mwaashoka heya lombwele opo ya mone eteyo ewanawa yo ya vule okukala yena iizemo iiwanawa yiikwamawawa.
Okwa ti sigo oompaka okwa nongeka aakwashigwana ye vulithe pomilongo 70 mboka ya taalele po, pofaalama yawo opo ya vule okukala ya nongopekwa.

Pethimbo Kundana a talele po ofaalama ndjoka omasiku ngaka okwa adha Natangwe eli naantu 17 pofaalama ye mpoka teya longo nkene ye na okukala taya gandja iikulya kiikwamawawa yawo opo yi ya pe eteyo li li nawa yo ya wape oku mona eteyo li li nawa ngele tashiya pashimaliwa.

Okwa ti oha gandja elongo kombinga nkene shi na okweenda mpoka ta pu lala nota pa gondjo iikwamawawa mbyoka opo kaa yi kwatwe komikithi dhi ili nodhi ili yo woo yi kale ya gamenwa.

“Ngele owa hala okukala to longo nuupu opo wu kale to hupu nawa miikwamawawa mbika nena owuna okukala we yi sila oshimpwiyu opo wu kale inoo longitha oshindji ngoye to teya oshishona,” Natangwe a ti ngaaka.
Okwa li ta lombwele osheendo shaakwashigwana mboka ya li metalelo po pofaalama oku za kOkongo moshitopolwa shaHangwena. Mbaka oya holola kutya oye na ehalo lyokutota elongelokumwe hangano lyo kutekula iikwamawawa unene tuu oondjuhwa.

Okwi itaala kutya uunongo mboka ya mono otawu ya kwathele nongashingeyi oye na oonkondo no ya hwama oku ka longa nuudhiginini yo ya wa pe okulwitha ondjala noluhepo moshilongo.

Natangwe okwa ti oku uvite uuntsa nuugumbo sho aantu ya simaneka uunongo we wuu nafaalama mboka kaawali eithano lye, na okwe wu ilongo ashike sho a tameke ehole iikwamawawa.
Okwa ti ngashingeyi moshilongo kamu na nando oshiputudhilo shoka tashi gandja uunongo wokutekula iikwamawawa kaashishi Unam awike, ngoka ena iipumbiwa yili pombanda noshowo ondilo.

Ashike ye okwa tokola okugandja ootundi ndhoka okupitila mootundi oofupi, ta kala ta longo mokati koshiwike kwaamboka ihaa ya longo nenge ihaa ya yi kosikola omanga mboka itaa ya vulu mokati koshiwike ta kala teya longo mehulilo shiwike.

LEAVE A REPLY

Please enter your comment!
Please enter your name here