Sally oteshi enditha nawa noalbuma My Black

0
67

Pinehas Nakaziko
Windhoek

Sally Ephraim Keya ngoka a tseyika nawa nedhina Sally Boss Madam, ote shi enditha nawa moongalo, sha landula sho a li a pititha oalbuma ye ontitatu yedhina My Black, moka a ti ota simaneke aakiintu aaluudhe ayehe.

Sally ota landitha oalbuma ye komapandja goIntaneta, hoka a li eyi tula ko iiwike ya piti. Shika okwali eshi nignile megumbo lye moHochland Park, pamwe nongundu onene yaantu mboka yali ya hiwa opo ya nyanyukwe pamwe.

Sally okwa ti oye omuhikingalo gotango moNamibia ngoka a li a tseyitha noku ulika oalbuma ye koIntaneta megumbo lye. Okangalo hoka kedhina Faasuluka, keli moalbuma muka ota ke shi enditha nawa, muule wiiwike itatu.
Sally moalbuma muka ota kwathelwa kaahikingalo ya yoolokathana ngaashi Kp-illest, Maranatha naYoung-T. “Ngashingeyi onda tegelela opo aaholi yoongalo dhandje yakale ya lombwela ndje nawa kombinga yomulyo gwoongalo dhandje ngoka taya ka adha moalbuma muka,” Sally ta ti ngaaka.

Oalbuma ndjika yi na oongalo 15, otayi ka adhika kowww.audiomack.com/album/sally-boss-madam/my-black. Kakele kwaashoka, Sally okwa ti, oalbuma ndjika oyo omagano goKrismesa kuyele kaaholi yoongalo dhe.

LEAVE A REPLY

Please enter your comment!
Please enter your name here