Ta monithwa iihuna komukadhi omupolisi

0
5454

Loide Jason
Outapi

Omulumentu omukuluntu lela okuli muudhigu womukulukadhi gwe ngoka a tameka oku ka lala koondjugo omanga te mu thigi megumbo ye te mu adha mo ashike esiku lya landula.
Lucas Uusiku okwa ti omukulukadhi gwe okwa tameke oku kala ta mono aalumentu ye yamwe oomvula ne dha piti ngashingeyi.
Uusiku okwa ti nonando okwa ninga onkambadhala okuya kopolisi a popilwe onkalo ye ndjoka inashi kwatha sha oshoka omukulukadhi gwe naye woo omupolisi.

Okwa ti shoka tashi ehameke komutima noshowo komwenyo ooshoka kutya sho omukadhi tayi ngaaka oha lombwele yamwe yomaalumentu ye mboka ha lala nayo kutya otayi nayo oshoka anuwa megumbo uulalelo otau dhidhililwa.

“ Ngashingeyi ethimbo limwe omo eli megumbo ethimbo limwe kemo, omuntu owa limbililwa ashike noonkondo adhihe. Ihe onda hala edhina lyandje li yele, unene kwaamboka taya ti kutya ngame eshenge sho ndi na omukulukadhi ha ningi esiku ndi a lala megumbo ndi a lala koondjugo. Ando ondali eshenge ando nandi mu valitha uunona,” Uusiku a ti ngaaka nongeyo.
“Sho tayi ngame ohandi kala megumbo naanona yandje oshoka inandi hala ya kale ya halakana. Ashike sho ta galuka oha ihumbata ashike pwa fa kaapuna shoka sha ningwa po. Oomvula adhihe ne osho ashike ya kala taya ningi ngaaka,” osho a hokolola ngaaka a lulilwa.
Sho Kundana a talele po Uusiku a koleke ngele ndhoka a kundana odho shili Uusiku okwa adhika eli megumbo noyana yaali omanga osheeli shali sha za mo.

Uusiku okwa kuthile ko Kundana kutya omukulukadhi gwe okwa hakukilwa kuuvu omwedhi gwa ziko shoka shali sha etitha nokuli opo a taambelwe moombete.

“ Okwali nda tseyithilwa oku za koshipangelo kutya omukiintu gwandje okwali i iyaka mo moshipangelo taka lala nuumatyona eteya mo ongula. Shika oshali sha kumitha ndje noonkondo adhihe,” osho a hokolola ngaaka omanga a kengeleka.
Okwa hokolola kutya nonande okwa kambadhala a popye nomukiintu gwe nguka ina shi kwatha sha.
Ngashingeyi omasiku ngaka onda tamekwa okuulwa omalaka kaakwashigwana anuwa onda thigwa po molwaashoka ihandi gandja sha gwana mombete.

“ Ngele osho shili ngaano omolwashike a kala nangame oomimvo omilongo 26 inaa ya kondje ndele opo ashike ayi ngashingeyi?” osho a pula ngaaka a uvite nayi.

Okwa ti okwa ninga oonkambadhala nodhokupopya nezimo lyomukulukadhi ashike nayo oya nyengwa onkee nduno ta kongo ekwatho opo oshigwana shi kwathele okupopya naye ye a hulithe po okukakeka edhina lye eyuuki.
Okwali woo a indile omukadhi a hulithe po okunyateka edhina lye koohonda dhe ndhoka hayi nadho.
Okwa ti nonando onkalo yomohole ye oya nayipalekwa komukadhi ina hala oku zamo megumbo oshoka oyana otaya kala mehalakano , noshikwawo egumbo ndyoka oye li landa ayehe.

“ Aanona yandje oya piyaganekwa nale konkalo na oya pumbwa egameno lyandje. Onkee opo elongo lyawo lyaa yiwe moshipala koshinima shika onda tokola opo ndi kale puyo sigo taya mana omailongo gawo,” osho a popi ngaaka ye a tala pevi.

LEAVE A REPLY

Please enter your comment!
Please enter your name here