Uudhano wOkau kamasheshe wokomumvo

0
45

Okau Kamasheshe

Masiku ha male sho uudhano mboka hawu kala wa tegelelwa koyendji unene tu miitopolwa yokoNooli tawu galukile mondambo okuzilila polwaanda lwOkau Kamasheshe oshiwike tashi ya.

Uudhano mboka tawu ka dhanwa oshikando oshi ti 20 owa tegelelwa wu ka tameke metiyali tu uka omasiku sho ta ga ka kala 19 ga Desemba 2017 pokapale ke li pomukunda Okau.

Omupopiliko gwuudhano mbuka Indileni Set Sam Iipinge okwa ti nuumvo oosipana otadhi kiishangitha nokapandi koodola 1 200, na kehe osipana oya tegelelwa opo yi etelele osipana yoohiinina ye li kohi yomimvo 17 ndjoka nayo tayi ka kutha ombinga muudhano mbuka ngaashi naana sha li sha tameke omumvo gwa zi ko.

“Otwa hala okukaleka po ekopi ndika opo lyi adhike nokomapipi ta geya onkene oosipana dho U17 otadhi tu pe ehuku lyoshipala sho nakuyiwa yuudhano mbuka oshoka kuuna mutanda kuna ngombe ngoye kuuna mpagona kuna Iilya, ngele uumatyona mbuka owa pewa ompito yoku kutha ombinga momathigathano ga tya ngeyi nena onaku yiwa oyina omwenyo,” Iindileni ta ti.
Okwa ti uudhano womumvo nguka owuna omahala ga ngambekwa na opuna ashike omahala goosipana 17, otaya ka ninga ngoka a thika tango oye ta yakulwa.

Indileni okwa holola kutya uudhano mbuka owu li oshitopolwa shomapendule po giitopolwa yo komikunda mbyoka ya kala ha yi liwa oshipungo ethimbo ele, noku eta aantu omayovi pamwe okutala uudhano noku tseyathabana thana shoka hashi eta uukumwe mokati kaantu.
Omusindani gwotango okwa tegelelwa a ka fadhuke po nokapandi koodola 7000, ekopi nosho wo oombandi dhoshingoli.

Osipana ontiyali ota yi ka fadhuka po nokapandi koodola 3 250, noombandi dhoshisiliveli, omanga ngoka te keya pehala etitatu ota ka hekelekwa nokapandi ko 2 000 noombandi dhoshikushu omanga ngoka ta ka etelela okano pehala etine ota ka pewa 1 500.
Omudhani dhingi,omudhani ngoka ena ookoola odhindji, nomuhikihiya dhingi ota ya ka pewa okapandi koodola 250.
Oosipana dho U17, omusindani gwotango ota ka wayukapo nokapandi ko 2000 , ekopi nosho wo oombandi dho shingoli.
Omusindani omutiyali ota ka fala kegumbo oodola 1000, noombandi dhoshisiliveli omanga omutitatu otaka pewa olupandu lwo 700, omanga omutine otaka yambula okashona ko 400.

Omudhani dhingi, omuhikihiya dhingi nosho wo omudhani ngoka ta ka monika ena oshitalenti dhingi otaya ka pandulwa okapandi koodoloa 200.

Odraw yuudhano mbuka ota yi kala ko ongula okuzilila pOshimana Bar molukanda lUupindi mOshakati potundi ontiyali yomutenya.
Uudhano owa tegelelwa wu ka kale ha wu tameke kehe esiku potundi ontimugoyi yongula na ka puna uudhano tawu ka tameka konima yetata lyoheyali yo komatango.
Osipana ya laata otayi ka tegelelwa ashike oominute 15 na ngele inayi holoka konima yominute ndhika nena otayi ka kanitha uudhano.
Uudhano mbuka owa kwashilipalekwa nokapandi koodola 20 000.

LEAVE A REPLY

Please enter your comment!
Please enter your name here