065 AMA ta ka futa aahikingalo mboka yali inaa ya futwa mo 2014

0
34

Pinehas Nakaziko

Windhoek-Aahikingalo mboka ya kuthile ombinga methigathano lyo 065 Annual Music Awards (AMA) mo2014 yali inaa ya pewa omapandulo gawo, mwakwatelwa iimaliwa mbyoka yali ya sindana okwa tseyithwa taya ka pewa iimaliwa yawo nuumvo.

Omulongekidhi gwethigathano ndika Fillemon Angombe, a tseyika nawa Filly-zo okwa tseyitha oshiwike sha piti kutya, aahikingalo yaadha po 9 ka ya li ya mona omapandulo gawo, molwiimaliwa mbyoka ya li ya pewa kaa kwashilipaleki ya fadhukile po nagumwe gwomaalongekidhi, naa shika oshali sha etitha opo ethigathano ndika kaali tsikile we komeho.

Filly-zo okwa ti aahikingalo yomonooli ngaashi Hazzard, DJ Quality, Yashe Tati Pii, Fresh Family, CYCs, Jomo Kahala, Bantu, D Square naNdawana, oyo yali inaa ya futwa, ashike mboka yeli omulongo oyali yafutwa koomuma.

Okwa gwedha po ta ti aahikingalo mbaka naya kale ya ninga ekwatathano koonomola yo 081 298 8317 nenge 081 211 5569, opo ya kale ya uva kutya otaya futwa ngiini.

Pethimbo olyo tuu ndyoka, Filly-zo okwa ti ngashingeyi ethigathano ndika oli li kohi yaalongekidhi aape mboka yeli aa inekelwa, nolya tegelelwa opo li ka kale lya galuka omvula ndjika, tali ka ningilwa mOndangwa muDesemba.
Filly-zo okwa ti ngashingeyi oya shendja nedhina lyethigathano ndika okuza ko 065 AMA, nomongashingeyi otali kala tali ithanwa oNamibia Fans Choice Awards (NFCA).

Elalakano lyetoto po lye thigathano ndika okwali okuyambula po iipewa yaahikingalo monooli noku kala wo yi imonena sha oku ziilila muunongo wawo shono shi li oshinima shapumba kaahikingalo uunene tuu mba opo ta yeya.

Omapapa oga kwatela mo uukategori omulongo 16 (16) mono omusindani kehe ta ka sindana oodola koomuma N$10 000, kakele kokategori kOmuhikingalo dhingi ngono taka sindana 10 000, oshowo ompito yokuningilwa oalubuma ayihe yu udha.
Esiku lyepititho dhoofooloma dhomaishangitho otali ka tseyithwa mbala.

Omukuthimbinga nakale a valelwa ye okuli omukalimo gokonooli nande hako ha longele nenge ha sikola, nakale inaa kutha nale ombinga momapapa omanene ngaashi oNAMAs, ye nakale wo a kwashilipaleka kutya oye mwene gongalo ta kutha ombinga nayo.

LEAVE A REPLY

Please enter your comment!
Please enter your name here